Tswv Qhia Shen Bin hais txog Saas Hais, lub Koom Txoos nyob Suav teb thiab lub Koom Txoos nyob thoob ntiaj teb

Tswv Qhia Shen Bin nyob Saas Hais hais rau rooj ntawv xov xwm hauv lub Cheeb Koom Txoos ntev loo : nws qhia txog nws tus kheej thiab hais txog nws txoj kev ntseeg uas tau txais ntawm nws niam thiab nws txiv los, thiab nws txoj kev ntseeg loj hlob li cas. Nws zaj tswv yim yog hais txog kev loj hlob ntawm lub Koom Txoos nyob Suav teb. Hais txog kev rais los ua neeg txhaum hauv txoj kab liab. Hais txog kev sib raug zoo ntawm kev ntseeg Kav Tos Liv nyob Suav teb thiab hauv lub Koom Txoos nyob thoob ntiaj teb. Cov tseem hwv Suav tau hloov tus thawj coj nyob hauv lub 4 hlis tsaib no, ntawm Pej Ceeb mus rau tus Tswv Qhia tseem ceeb tshaj nyob Suav teb. Yog nqe lus xaus txhua yam hauv lub 7 hli uas Vaj Qhia Fas Ntshis Kus teeb tsa nws yam raug cai nyob hauv kev ua Tswv Qhia tuav txoj hauj lwm no.

Nws cov lus hais yog nyob hauv lub 8 hli, tab sis tshaj tawm nyob hauv lub rooj sab laj cov Tswv Qhia uas tab tom ua no. Muaj 2 tug Tswv Qhia tuaj ntawm Suav teb tuaj, nkawd tau txais kev teeb tsam los ntawm Vaj Qhia raws lub pwm tsav Tswv Qhia nyob Suav teb. Yog lub Koom Haum uas tseem hwv Suav tsis tau lees txais tias Tswv Qhia Shen Bin yog tus thawj coj uas raug teeb tsa los ntawm Vaj Qhia.

Txawm tias nws tsis tau hais txog Snodality, tab sis kuj yog qhov yooj yim uas ntsia pom qhov nws hais thiab kev tuav xam uas tab tom ua nyob Los Mas. 

Hais txog lub Koom Txoos nyob Saas Hais, tsis muaj tus coj los tau 10 xyoo lawm. Tswv Qhia Shen Bin thov kom sawv daws muab siab rau ua kom txhua yam zoo tuaj. Nws hais tias lub tsev teev Ntuj tam sim no tuaj yeem txais tau 90 tus Txiv Plig, thiab cov neeg ntseeg ntau caum leej. Nws paub tias lub suab hu cov ntseeg tab tom ploj zuj zus nyob Suav teb.