Tswv Qhia thiab Leej Phauj faib zaub mov rau cov neeg tsis muaj vaj tse nyob

Tus Tswv Qhia thiab cov Leej Phauj nyob hauv lub Cheeb Koom Txoos Maas Ntas Les, nyob Mias Mas teb mus faib zaub mov ua paj tshab pub rau cov neeg ua luam ntawm ntug kev thiab cov neeg mob ruas noj.

Tswv Qhia Marco Tin Win thiab qee tus Leej Phauj tawm mus faib zaub mov rau 100 tus neeg noj, nyob hauv 100 tus neeg no yog cov tub lag tub luam thiab cov neeg mob ruas nyob hauv lub nroog Maas Ntas Les.

Hnub tim 25 lub 12 hlis, lawv faib zaub mov rau 100 tus neeg noj, thiab hnub tim 1 lub 1 hlis 2022 lawv faib zaub mov noj rau 150 tus neeg noj.

Txiv Plig hais tias : kuv sau cov neeg mob ruas nyob ib puag ncig ntawm lub tsev teev Ntuj, kuv rau mov rau saum rooj rau cov neeg mob ruas noj xws li ib roog qav, kuv pub nyiaj thiab pub paj tshab rau cov neeg ntawd hnub ua hmoov tsuj xeeb Yes Xus yug los. Chiv thawj lawv txaj muag thiab xav tias tsis tsim nyog noj mov saum rooj, lawv xav zaum hauv pem teb noj mov. Thaum Txiv Plig tau ua tus saib lub tsev teev Ntuj, mas nws tau mus saib cov neeg raug txim nyob hauv nkuaj thiab pub paj tshab rau lawv hnub ua hmoov tsuj xeeb Yes Xus yug los thiab nws ua thaj txi Ntuj rau lawv.

Xyoo no peb tsis tuaj yeem yuav dai tej yam zoo nkauj thiab ua tej lub ntees lom zem, vim li no kuv thiaj khaws nyiaj mus siv rau tej pab neeg nyob hauv hnub ua hmoov tsuj xeeb Yes Xus yug los, kuv pub ntau yam ua paj tshab rau cov neeg pluag. Cov lus no yog Tswv Qhia Marco Tin Win ua tus hais.

Hnub tim 28 lub 12 hlis, cov Leej Phauj tau mus tsham ib lub tsev kho mob uas muaj cov neeg mob ruas hauv lub zos Ye Nant Thar thiab lawv pub paj tshab rau 15 tus neeg mob. 14 leeg yog cov teev hawm Phus Thas, hos ib leeg yog neeg ntseeg.

Emily De Vialar yog cov Leej Phauj Fab Kis txhim tsa xyoo 1797 txog 1856.

Cov Leej Phauj tseem faib pam, faib roj, faib txhuv noj thiab lwm yam rau cov tub tshaj Ntuj Lus nyob hauv lub zos Se Daw Gyi uas zwm rau lub Cheeb Koom Txoos Maas Ntas Les, nyob nruab nrab hauv Mias Mas teb.

Nyob hauv lub zos Se Daw Gyi muaj 15 yim neeg ntseeg Kav Tos Liv, lawv zwm rau Sacred Heart of Jesus Cathedral Parish uas nyob Maas Ntas Les.

Cov Leej Phauj Leej Ntshiab Yos Xes nyob hauv lub Cheeb Koom Txoos Maas Ntas Les kuj npaj txhuv, roj thiab dos mus faib rau cov yim neeg raug kev kub ntxhov los ntawm tus kab mob COVID-19 thawj zaug. Cov Leej Phauj kuj thov rau lwm cov thawj kev teev hawm kom sawv daws sib pab cuam.