Tub ceev xwm Is Ntos Nes Xias ntau txhiab leej saib xyuas kev ruaj ntseg hmoov tsuj xeeb Yes Xus yug los

Thousands of police to provide Xmas security in Indonesia (CNA photo)

Thursday, January 06, 2022

Hnub ua hmoov tsuj xeeb Yes Xus yug los, nyob Is Ntos Nes Xias teb muaj 180,000 tus tub ceev xwm zov cov tsev teev Ntuj nyob thoob plaws teb chaws. Vim cov tseem hwv ntshai tsam muaj neeg phem nyiag tsim kev kub ntxhov nyob hauv lub caij ua hmoov tsuj xeeb Yes Xus yug los no.

Tab txawm muaj tus kab mob COVID-19 sib kis, tsis kav cov tsev teev Ntuj nyob Is Ntos Nes Xias teb kuj qhib rau cov neeg ntseeg tau kev mus sib sau ua hmoov tsuj xeeb. Raws li lub rooj pwm tsav fab kev teev hawm hais, mas nyob Is Ntos Nes Xias teb muaj cov tsev teev Ntuj Kav Tos Liv thiab Plos Tes Taas tshaj 11,000 lub.

Lub 12 hlis no cov tub ceev xwm ntes tau cov neeg npaj tsim kev kub ntxhov Jemaah Islamiyah 10 leej. Cov tseem hwv hais tias lawv tsis xav pom muaj kev tua neeg li yav tag los, vim xyoo 2000 muaj ntau lub tsev teev Ntuj nyob Xus Mas Ras, Ntsas Vas thiab Nus Xas Tees Nkas Las sab hnub poob raug tsoo pov tseg hnub ua hmoov tsuj xeeb Yes Xus yug los, ua rau neeg tuag 18 leej thiab raug mob coob leej.

Cov tub ceev xwm yuav tsum nyob hauv ntau lub tsev teev Ntuj, vim yag tag los muaj ntau lub tsev teev Ntuj raug rhuav, tsis hais lub tsev teev Ntuj Kav Tos Liv Xas Tas Mas Lias thiab 2 lub tsev teev Ntuj Plos Tes Taas uas nyob hauv lub nroog Xus Las Npas Yas nyob Ntsas Vas sab hnub tuaj. Muaj neeg phem chua hoob pob ua rau neeg tuag 19 leeg thaum lub 5 hlis xyoo 2018.