Tus lwm Txoov Tim Tswv Is Ntias pom zoo tiv cov lus ua kom muaj kev sib ntxub ntxaug nyob hauv kev teev hawm

Is Ntias tus lwm Txoov Tim Tswv Venkaiah Naidu thuam los yog tiv cov lus uas tib neeg hais kom muaj kev sib ntxub nyob hauv kev teev hawm. Nws hais tias cov lus sib thuam ua kom muaj kev sib tawg nyob hauv tej pab neeg “Xyaum coj koj tus cuj pwm, tab sis txhob hla txoj cai thiab txhob hais lus plhom moj ua kom muaj kev sib ntxub ntxaug”.

Naidu hais cov lus no nyob hauv lub xeev Kerala, nyob Is Ntias teb. Yog hnub no hmoov tsuj xeem txwm 150 xyoo ntawm Leej Ntshiab Kuriakose Elias Chavara tuag, nws yog ib tug neeg ntseeg Kav Tos Liv nyob Kerala qab teb. Nws yog ib tug Txiv Plig nyob hauv tiam 19 hauv lub tsev teev Ntuj Syro-Malabar nyob Is Ntias teb, nws tau txais lub Cim Yug los ntawm Vaj Qhia Zam Paj Lug II hnub tim 8 lub 2 hlis xyoo 1984. Nws raug tsa ua Leej Ntshiab los ntawm Vaj Qhia Fas Ntshis Kus hnub tim 23 lub 11 hlis xyoo 2015. Nws tuag hnub tim 3 lub 1 hlis xyoo 1871.

Naidu hais tias : kev hais lus thiab sau ntawv ua kom sib ntxub, nws yog ib yam tsis haum rau kab lis kev cai thiab txoj cai hauv lub teb chaws. Yam zoo ntawm Is Ntias yog thov kom muaj kev sib koom tes txhawb nqa txoj cai nyob hauv lub teb chaws.

Naidu kuj thov kom muaj kev sib sau tuav xam ntawm cov tub kawm thiab hais tias cov tseem hwv yuav pab kom lawv txawj sib faib thiab muab siab rau txog kev nrog lwm tus neeg sib fim.

Cov tsev kawm ntawv thiab cov tsev teev hawm yuav tsum muab siab rau pub kev txawj ntse rau cov me nyuam, txhua pab pawg neeg thiab cov tsev kawm ntawv yuav nrhiav su rau cov me nyuam kawm ntawv noj dawb thiab txhib kom cov niam cov txiv coj lawv cov me nyuam mus nce npe.