Tus tshaj lus ntawm cov Txiv Plig Kav Tos Liv nyob Lav Xias hais tias : tsis muaj kev daws teeb meem tau nyob Us Khas Zis Nas teb los yog Ukrane.

Txiv Plig Gorbunov uas yog tus sawv cev ntawm lub Cheeb Koom Txoos Kav Tos Liv Tswv Ntuj Leej Niam nyob Moscow hais tias :

“Tsoom pej xeem feem coob tab tom raug kev txom nyem”, thiab tom qab ib xyoos ntawm kev sib ntaus rog nrog Us Khas Zis Nas, mas tsis paub txog yav tom ntej.

Tsuas muaj tib txog kev tawm xwb, yog qhov tias ua kom kev phem kub ntxhov dua qub. Tus Txiv Plig yws yws li ntawd.

Raws li Txiv Plig cov lus hais, cov neeg uas tuaj ntsib nws “kom tau pab txhawb ntawm fab ntsuj plig, lawv tau hais txog kev ntshai yav tom ntej uas tsis muaj qhov ruaj khov, kev qaug zog thiab chim rau tus lawv xav kom ris cov teeb meem tshwm sim zim txwv no. Qee zaus lawv kuj chim rau Tswv Ntuj thiab rau lawv txoj kev ntseeg”.

Txiv Plig tseem hais ntxiv tias : “Kev txom nyem ntawm kev sib txeeb hais txog cov neeg ua hauj lwm ua ke, phooj twg thiab tej neeg txheeb ze yog los ntawm kev pom sib txawv nyob hauv kev tseev tsim”.

Txiv Plig Gorbunov ntsia pom tias : “Muaj cov yim neeg tsuam txoov Lav Xias thiab Us Khas Zis Nas coob kawg, nyob hauv cov neeg ntseeg Kav Tos Liv thiab ntau ntau yim neeg uas lawv ntsia pom tias lawv nyob ntawm txoj kev phem hauv ntej”.

Qhov no ua rau lawv muaj kev ntxhov siab loj kawg nkaus.

Txiv Plig hais tias : cov neeg Lav Xias uas loj hlob nyob hauv lub caij Soviet tawg ua ntau lub teb chaws hauv cov xyoo 1990 tseem tshuav coob. Lawv feem ntau xav tias tsis muaj hwj chim nyob rau hauv lub xeev thiab tsis ntseeg ib yam ntawm cov zej zog. Kev nqis tes ua tuaj yeem daws teeb meem tau kom sib haum xeeb.