Tus Tswv Qhia nyob Baltimore, thov Ntuj rau cov neeg raug tub sab tua

Muaj 2 tug neeg tuag thiab 28 leej raug mob, vim muaj neeg phem xuas phom luaj rau cov neeg uas tuaj mus koom lub koob tsheej nyob South Baltimore hnub tim 2 lub 7 hli no. Tswv Qhia Lori thov Ntuj rau cov neeg tuag, cov neeg raug mob thiab tsoom pej xeem nyob hauv lub nroog. Tswv Qhia hais tias :

“Thaum sawv ntxov peb coob leej sawv los thiab hnov lub moo phem txog kev tua neeg tuag nyob hauv Brooklyn, Baltimore. 

Hnub no kuv thov koj so thiab los koom thov Ntuj nrog kuv, thov Ntuj rau 2 tug neeg uas nkawd tau tag txoj sia, ntshe nkawd yuav chim siab heev. Thov Ntuj rau 28 tus neeg uas lawv raug mob sab thiab cov uas lawv tab tom nriaj lawv txoj sia.

Thov peb tus Tswv Ntuj tso kev nplij siab thiab kev khuv leej los rau saum cov yim neeg uas lawv muaj kev kub ntxhov, thiab thov kom Tswv Ntuj foom hmoov zoo rau tsoom pej xeem sawv daws”. 

Tus pwm tsav nyob Baltimore hais tias : “Kev tshuaj xwm txog cov tub sab tua neeg, tab tom tshuaj xwm tsis tso tseg. Nws hais ntxiv tias ; txoj kev tua neeg ua kom peb nco tias : vim li cas peb thiaj muab tej phom tsis muaj ntaub ntawv uas muag nyob ntawm tej ntug kev saib loj dua, thiab poob mus rau tej tus neeg uas tsis tsim nyog txhais tes, thiaj ua rau muaj kev tua neeg thiab tsim kev kub ntxhov tsis tu ncua nyob hauv peb lub nroog. Peb yuav tsum saib tej yam no kom tseem ceeb thiab daws kho txoj cai hais txog cov phom tsis muaj ntaub ntawv”.

Lub Cheeb Koom Txoos tab tom ua hauj lwm nrog cov nom tswv nyob Baltimore, thov muas cov phom tsis raug cai rov qab kom tag rau hnub tim 5 lub 8 hli no, nyob hauv lub zos Edmondson, hauv lub nroog Baltimore. Tswv Qhia Lori thov kom sawv daws sib xa xov thiab sib koom tes nrog cov xwm txheej tshwm sim ntawd.