Tus Tswv Qhia Thaib hais tias txoj cai, yog tus yawm sij ntawm kev sib tham hauv cov kev teev hawm uas ua tiav

Kev sib tham ntawm kev teev hawm, mas yuav tsum sib koom ua ib tug nyob hauv txoj cai. Ua rau luag tej, ib yam li qhov koj xav kom luag tej ua rau koj. Yog ib lo lus tseem ceeb nyob hauv kev ntseeg. 

Tswv Qhia Xavier Kriengsak hais lo lus no los teb cov lus nug nyob hauv lub caij Vaj Qhia mus tsham Moos Nkos Lias teb thiab cov neeg ntseeg nyob As Xias. Qhov no ua kom peb los sib ntsib thiab peb yuav pib ntawm qhov no ua ntej. Kev sib tham ntawm txoj kev ntseeg yog nqe lus uas raug Tswv Qhia siab tshaj plaws, vim Tswv Qhia yog tus coj 30 tawm txhiab tus neeg ntseeg nyob Thaib teb. Thaib teb yog lub teb chaws uas tas tsoom pej xeem feem coob teev hawm Phus Thas, thiab muaj 11 lub Cheeb Koom Txoos Kav Tos Liv. Tswv Qhia hais ntxiv tias : kev mus tsham cov teb chaws nyob As Xias ntawm Vaj Qhia uas cov neeg ntseeg feem coob yog cov haiv neeg tsawg, yog ib qho tseem ceeb ntawm kev cia siab. Lawv yog ib feem ntawm lub Koom Txoos thiab tsis hnov qab. Vaj Qhia Fas Ntshis Kus yog thawj tug Vaj Qhia uas mus tsham Moos Nkos Lias teb, yog lub hom phiaj ntawm Vaj Qhia txoj kev xav los ntev lawm. Vaj Qhia hu Moos Nkos Lias teb ua lub teb chaws uas muaj tsoom pej xeem tsawg heev, tab sis lawv li kab lis kev cai loj kawg.