Txiv Plig Bishoyi ntawm Orissa yog tub tshaj Ntuj Lus tshiab nyob As Zees Tis Nas

Thursday, December 23, 2021

Txiv Plig Bishoyi yog tus Txiv Plig tuaj ntawm Odisha nyob Is Ntias teb tuaj. Nws pom cov neeg ntseeg raug hiam, ces 3 xyoos tag los nws thiaj tuaj txog rau As Mes Lis Kas Naj. Nws hais tias nws tau raug ntau yam nyuab nyob hauv lub nroog Palpala.

As Zees Tis Nas yog ib lub teb chaws Kav Tos Liv tiag, tab sis tsis muaj kev kawm. Tsis kav tsoom pej xeem nyob tau sov siab kawg, lawv ua lub neej tsis nplua nuj xws luag thiab muaj kev sib pab zoo.

Txiv Plig Bishoyi tuaj txog As Mes Lis Kas Naj 3 xyoos tag los, nws yog tus tub ntxawg nyob hauv lawv tsev neeg uas muaj me nyuam tag nrho 8 leej. Nws tus tij laug kuj ua Txiv Plig nyob hauv lub Cheeb Koom Txoos Cuttack-Bhubaneswar. Nws nco tau zoo txog txhua yam kev hiam cov neeg ntseeg xyoo 2008. Txiv Plig Bishoyi hais tias : lawv tsev neeg tsis raug xwv txheej dab tsi, tab sis lawv lub neej muaj me ntsis ntshai thiab tsis ruaj khov xwb.

Txiv Plig Bishoyi lub zos yog nyob lub nroog Palpala, hauv lub xeev Jujuy nyob As Zees Tis Nas qaum teb. 3 xyoos tag los ua Txiv Plig Bishoyi tuaj txog As Mes Lis Kas Naj, kev lag luam tab tom ntsib teeb meem loj, nyiaj txiag hauv lub teb chaws poob nqis, vim yog pib muaj tus kab mob tshwm sim. Ua rau neeg tuag coob leej los ntawm tus kab mob Cancer, cov neeg laus nyob ib leeg twm zeej kuj muaj coob kawg.