TXIV PLIG ZAM KHEES PAB COV NEEG MOB COVID-19 NYOB NYAB LAJ TEB

Nyob hauv lub tsev teev Ntuj Yun Hao, muaj ntau yim neeg tsis tuaj yeem tawm tau hauv tsev mus teev Ntuj, vim yog nyob twj cuab thiab muaj kab mob. Txiv Plig Khees tau nqa txhiam laj txhiam xws thiab tej yam cheem tsum siv mus faib rau lawv, nws hais rau lawv tias : “Nej nyob kaj siab lug, vim nej nyob hauv nej lub zos nej lub tsev, thiab kuv thov Ntuj pab nej mus li”.

Nyob hauv lub nroog Vinh Hoa, nyob Hom Cis Mees muaj cov neeg ntseeg li ntawm 3,820 leej, muaj Tswv Qhia John Kim Lê Hậu Hán ua tus saib xyuas. Tab sis kev sib kis kab mob kuj tseem muaj txhab ntxiv tas zog, ces Txiv Plig haj yam pom tias nws nrug tib neeg zuj zus, vim nyias yuav tsum nyob nyias.

Nyob Nyab Laj teb cov neeg mob COVID-19 yog 106,347 leej, tab sis muaj 20,000 leej yog nyob hauv lub nroog Hos Cis Mees.

Txiv Plig Khees nquag mus tsham cov yim neeg uas lawv xav tau kev pab, thiab nws koom nrog lwm cov neeg mus faib txhiam laj txhiam xws rau cov yim neeg uas lawv tawm tsis tau hauv tsev mus sab nraud. Hais txog kev ua thaj txi Ntuj, mas yog ua nyob hauv Online xwb.

Ntau leej Txiv Plig qhuas txog Txiv Plig Khees, qee leej hais tias ; lawv muaj kev sov siab thiab zoo siab rau cov paj tshab lawv tau txais nyob hauv txhua txhua hnub tim 13 hauv niaj lub hlis. Txiv Plig Khees mus faib txhiam xws noj rau cov neeg pluag txom nyem, tsis hais cov ntseeg thiab tsis ntseeg. Txiv Plig ua li ntawd, vim nws xav pab kom sawv daws txawj ua tiag nyiaj nyob hauv lub caij kub ntxhov no.

Tsis tas li ntawd, cov nom tswv kuj txhawb nqa Txiv Plig Khees txoj kev pab nyob hauv zej zog thiab. Yam li kheev Txiv Plig mus saib tej yim neeg uas muaj mob nyob kaw rooj nti thiab cov neeg tsis muaj leej twg pab. Lub lis piam tag los, cov kws kho mob tau nrog Txiv Plig mus saib cov neeg muaj mob nyob hauv zej zog thiab thov Ntuj pab rau lawv.