Txoj cai teev hawm yog khoom plig thiab kev txawj ntse yog lub plawv ntawm txoj cai teev hawm.

Hnub 2 ntawm kev sab laj rooj Tswv Qhia nyob As Xias, yog yuav pib nyob hauv txoj kev sib haum xeeb. Nathalie Becquart XMCJ tus thawj tswj lub rooj sab laj hais tias : Txoj cai yog khoom plig thiab kev txawj ntse yog lub plawv ntawm lub pwm tsav. Nws ua kom nco txog cov lus nyob hauv Ntawv Ntshiab zaj “txoj kev mus cuag Is Mas Nus Es”, pom tias yog kev sib koom mus kev ntawm lub pwm tsav txoj cai.

Nws nthuav ntxiv tias : “Yog peb ntseeg tias ; kev qhuas yog txoj hau kev los ua lub Koom Txoos niaj hnub no raws li Tswv Ntuj lub siab nyiam. Nyob rau hauv no lub zog ntawm kev paub thiab mloog lub suab ntawm Leej Ntuj Plig Ntshiab ua ke raws li Vaj Qhia hais, peb muaj peev xwm ntseeg tau tias peb yuav tau txais koob hmoov los teb Tswv Ntuj txoj kev hu cov neeg ntseeg txog nws.

Nyob hauv 2 hnub dhau los, cov tuaj koom sab laj raug caw kom mus kev nyob hauv pab pawg neeg teev hawm, uas muaj 3 theem hu ua “kev sib tham ntawm fab ntsuj plig”.

Thawj theem “yog kev mloog lwm tus zaj tswv yim”, yog lub caij sib koom thiab txhua tus nyob hauv pab pawg hais ib leeg 2 fiab txog kev paub ntawm lawv tus kheej nyob hauv pawg neeg teev hawm. Muaj kev sib tham pauv tswv yim, sib nug thiab nyob twj ywm 2 fiab ntsiag to los sib faib.   

Theem ob “nrhiav chaw seem rau lwm tus” yog lub sij hawm cov neeg sib koom nyias hais nyias 2 fiab txog qhov uas lawv tau hnov ntawm lwm tus. Thiab sawv daws nyob 2 fiab ntsiag to tsis hais lus, kom tau sib faib nyob hauv nruab siab.

Theem peb “tsim ua ke” yog lub sij hawm sib cav sib teb kom tau lo lus tseeb ntawm kev sib tham ua ke. Cov lus nug tsis sib dhos thiab cov qhia lub Moo Zoo lub suab, qhov no yog lub sij hawm muaj txiaj ntsig thiab tso cai rau pab pawg nug tej lo lus nug tseem ceeb : Leej Ntuj Plig Ntshiab coj peb mus qhov twg ?.