TXWM 25 XYOOS NTAWM TSAB NTAWV US NOOS XIS (UT UNUM SINT)

Kev tsim kev thaj yeeb thiab kev sib haum xeeb, yog qhov Tswv Ntuj xav kom peb ua.
Kev sib tawg, yog kev ua kom neeg nrug deb thiab tsis yog txoj kev coj peb mus cuag Tswv Ntuj. 

Vaj Qhia Zam Paj Lug Ob tau hais ib co lus thov kom lub Koom Txoos sib koom siab ua ib tug nyob hauv Tswv Ntuj. Vim li ntawd, 25 xyoos tag los Vaj Qhia Zam Paj Lug Ob thiaj sau tsab ntawv Ut unum sint, txhib kom cov neeg ntseeg nrog lwm cov kev teev hawm sib haum xeeb. Vim thaum Vaj Qhia Zam Paj Lug Ob mus tsham cov neeg ntseeg nyob hauv ntau lub teb chaws, mas nws pom tias muaj ntau txoj kev teev hawm thiab cov neeg ntseeg sib tawg ua ntau pab ntau pawg. Kev sib tawg yuav ua kom cov neeg ntseeg thiab lwm cov kev teev hawm los sib sau ua ke tsis tau. Lub hom phiaj ntawm peb txoj kev ntseeg txog Tswv Ntuj, mas yog ua kom sawv daws sib koom ua ib tug. Lo lus no yog ib lo lus ua kom peb pom tias lub Koom Txoos muaj tej yam tshiab tawm tuaj. Vaj Qhia Zam Paj Lug Ob pom tias kev sib tawg ntawm cov Plos Tes Taas thiab cov Kav Tos Liv, mas thiaj ua rau tus thawj Tswv Qhia Marcel Lefebvre tawm ntawm Los Mas thiab tsis ua hauj lwm rau lub Koom Txoos ntxiv lawm. Vaj Qhia Zam Paj Lug Ob tsab ntawv Ut unum sint, yog xav kom sawv daws sib sau thiab yuav tsum sib haum xeeb tiag tiag. Kev tsim kev thaj yeeb thiab kev sib haum xeeb, yog qhov Tswv Ntuj xav kom peb ua. Kev sib tawg, yog kev ua kom neeg nrug deb thiab tsis yog txoj kev coj peb mus cuag Tswv Ntuj.