UA HMOOV TSUJ XEEB YES XUS YUG LOS THIAB KEV SIB KOOM SIAB NTAWM COV NEEG NYAB ALJ

Tab txawm muaj tus kab mob Covid-19 sib kis, ua teeb meem rau kev lag luam thiab tib neeg lub neej, tsis kav cov neeg ntseeg Nyab Laj kuj ua hmoov tsuj xeeb Yes Xus yug los. Vim kev ua hmoov tsuj xeeb Yes Xus yug los, yog lub zoo caij uas sawv daws yuav sib faib tej yam zoo zoo. Yog lub caij uas cov neeg ntseeg yuav sib koom siab mus pab cov neeg pluag txom nyem. Ua kom lwm txoj kev teev hawm ntsia pom txog lub cim tseem ceeb ntawm kev ua hmoov tsuj xeeb.

Nyob Nyab Laj teb muaj 2,738 lub zos uas muaj kev sib koom thiab ua cov hauj lwm nthuav txog tej pab neeg, yam li mus saib xyuas cov neeg mob nyob hauv tej thaj tsam deb nroog. Cov hauj lwm no yog ua nyob hauv thaj tsam BenLuc uas nyob hauv lub Cheeb Koom Txoos My Tho, lub xeev Long An. Muaj cov neeg ntseeg Kav Tos Liv, cov Plos Tes Taas, cov teev hawm Phus Thas thiab cov tsis muaj kev teev hawm kuj npaj tu vaj tu tsev ua hmoov tsuj xeeb Yes Xus yug los.

Nyob hauv lub nroog Hom Cis Mees, kuj muaj kev ua hmoov tsuj xeeb nyob hauv txhua lub tsev teev Ntuj thiab tu cov tsev teev Ntuj huv si. Muaj teeb liab ntsuab thiab tej tsob ntoo tsuj xeeb zoo nkauj kawg. Cov tub ntxhais hluas thiab cov me nyuam yaus tu lawv tej vaj tsev kom huv si thiab dai ub dai no kom zoo nkauj tos txais hnub ua hmoob tsuj xeeb Yes Xus yug los. Qee thaj tsam npaj siab thiab fab ntsuj plig nyob hauv kev ua hmoov tsuj xeeb koom nrog cov tub tseem hwv nyob hauv zej zog. Lawv tau npaj tej yam paj tshab me me coj mus pub rau cov tsev neeg pluag thiab mus tsham sawv daws. Lub Cheeb Koom Txoos My Tho yog nyob ntawm 3 ceg kaum dej Naj Khoom, nyob ntawd kuj muaj cov neeg ntseeg npaj siab ua hmoov tsuj xeeb Yes Xus yug los, yam li lawv daws txhaum thiab thov Ntuj.