Vaj Qhia Fas Ntshis Kus hu cov neeg thoj nam Fis Lis Pees tias lawv yog cov neeg nyiag thauj kev ntseeg

Tus thawj coj lub rooj sab cov Tswv Qhia Kav Tos Liv nyob Fis Lis Pees (CBCP), yog tus Tswv Qhia David uas nyob Kalookan. Nws yog ib tug kav xwm ntawm lub rooj sab laj Vas Tis Kas uas tab tom ua, nws muab xov xwm rau cov tub xov xwm hais txog cov neeg thoj nam Fis Lis Pees hnub tim 18 lub 10 hli tag los.

Cov neeg Fis Lis Pees khiav mus nyob thoob ntiaj teb muaj ntau plhom leej, tab sis lawv tsuas yog 10 los 15 feem pua ntawm tas tsoom pej xeem Fis Lis Pees.

Vaj Qhia Fas Ntshis Kus hu cov neeg Fis Lis Pees uas lawv khiav mus nyob thoob ntiaj teb, hu tau txaus luag tias lawv yog cov neeg nyiag thauj kev ntseeg. Nov yog Tswv Qhia David hais tias Vaj Qhia tau hais li ntawd. Tswv Qhia David tseem hais ntxiv tias : cov neeg no lawv maj mam xyaum lawv txoj kev ntseeg, tsis hais nyob qhov twg, lawv yog tub zog thiab neeg thoj nam, lawv yog cov tsis txaus siab qhia kev ntseeg. Tswv Qhia hais tias lub rooj sab laj txhawj xeeb txog kev loj sib luag ntawm lub meej mom. Tsis hais koj yuav yog Tswv Qhia Liab, yog Tswv Qhia los yog leej twg kuj xij, peb sawv daws puav leej yog neeg ntseeg thiab yog cov thwj tim loj sib luag zos nyob hauv lub Cim Ntxuav. Tswv Qhia txhib txog qhov tseem ceeb ntawm kev pab thiab kev tuav xam txog cov nyob txawv teb chaws. Vim lawv yog cov tau txais txoj hauj lwm qhia kev ntseeg, tab txawm lawv tsis txaus siab, tsis kav lawv yog tus piv txwv ntawm txoj kev ntseeg rau cov nyob txawv teb chaws thiab cov neeg ua hauj lwm.