Vaj Qhia Fas Ntshis Kus mus tsham Koos Nkos teb thiab Xus Das teb, kom tau tsim kob hmoov rau kev thaj yeeb.

Vaj Qhia Fas Ntshis Kus tab tom npaj tawm rooj mus tshaj Ntuj Lus nyob txawv teb chaws zaum tim 40. Nws yuav tawm ntawm Los Mas mus tsham cov neeg ntseeg 6 hnub sib law, xws li txij hnub tim 31 lub 1 hlis mus txog hnub tim 5 lub 2 hlis xyoo no. 

Kev mus tsham cov teb chaws nyob As Fiv Kas ntawm Vaj Qhia, mas yog kev tsham tsim koob hmoov ntawm kev thaj yeeb. Xa kev sib haum xeeb thiab kev cia siab mus    txog rau sawv daws. Ua ntej Vaj Qhia yuav ncaim As Fiv Kas teb, nws muab nws txoj kev mus tsham Koos Nkos teb thiab Xus Das teb tso rau hauv Niam Mab Liab xib teg, nyob hauv lub tsev teev Ntuj Saint Mary Major Basilica. 

Vaj Qhia sau ib co lus rau cov pej xeem nyob hauv 2 lub teb chaws ntawd tias “Cov nyob sab hnub tuaj, yuav ua tiag nyiaj ntxeem kev txom nyem, vim muaj kev sib ntaus sib tua thiab sib quab yuam. Xus Das Naj raug kev piam sij los ntawm tsov rog ntau xyoo thiab raug kev tshaib nqhis. Kev kub ntxhov ua kom ntau txhiab leej neeg yuav tsum khiav ua neeg thoj nam thiab nyob txom nyem ntsuav”.

Kev mus tsham Koos Nkos teb zaum no, yog thawj zaug ntawm ib tug Vaj Qhia mus tsham txij xyoo 1985 los.