Vaj Qhia Fas Ntshis Kus ua lub ntees nco txog cov laus hnub

Vaj Qhia Fas Ntshis Kus thov kom muab “kev sib raug zoo ntawm cov laus thiab cov hluas” los ua hnub hwm poj yawm txwv koob thiab cov laus hnub nyob ntiaj teb zaum 3, uas yog ua thaj txi Ntuj Hnub Chiv rau cov neeg laus nyob hauv lub tuam tsev teev Ntuj hwm Leej Ntshiab Pob Zeb.

Yog lub sij hawm sov siab ntawm cov neeg laus, Vaj Qhia Fas Ntshis Kus lees nyob hauv cov lus nthuav ntawv Moo Zoo tias : “Vim lub caij nyoog ntawm kev sib haum xeeb, yog lub caij ntsia pom tus duab ci nyob hauv qhov tsaus ntuj nti. Ntseeg thiab cia siab tias cov mov mog zoo uas Tswv Ntuj tseb, yuav yog cov nroj uas yeej tag txhua yam ntawm dab phem txoj kev ntxias.”

Vaj Qhia hais ntxiv tias : “Peb xav tau txoj kev sib khi tshiab ntawm cov me nyuam yaus thiab cov laus ntau npaum cas ?” Zoo li cov dej yuav los ywg cov kaus uas tab tom loj hlob kom txi txiv. Peb yuav kawm kom paub txog qhov zoo ntawm kev ua lub neej, tsim kom muaj tej pab neeg txawj sib haum xeeb thiab lub Koom Txoos tuaj yeem nrog lawv sib ntsib sib fim, sib tham hais txog tej yam kab lis kev cai tshiab ntawm fab ntsuj plig. 

Hnub Chiv hauv hnub hwm poj yawm txwv koob thiab cov laus hnub, yog thawj zaug uas Vaj Qhia Fas Ntshis Kus ua tus coj lub thaj txi Ntuj, suav txij xyoo 2021 uas teeb tsa kom muaj cov laus hnub los. Kev tsuj xeeb no ua nyob hauv Hnub Chiv lis liam 4 hauv lub 7 hli, uas yog Hnub Chiv ze pluas mov tshwj xeeb ntawm Joachim thiab Anne nyob hauv hnub tim 26 lub 7 hli, uas yog Yes Xus niam tais thiab yawm txiv hnub. Muaj cov niam tais yawm txiv thiab cov neeg laus li ntawm 6,000 leej tuaj ua lub thaj txi Ntuj. Kuj muaj cov tub ntxhais hluas nyob hauv cov tub ntxhais hluas hnub nyob Lisbon, teb chaws Tws Kis uas yuav pib txij hnub tim 1 lub 8 hli no thiab. Ua ntej yuav xaus thaj txi Ntuj thiab foom hmoov zoo, muaj 5 tug tub ntxhais hluas thiab 5 tug neeg laus sawv cev ntawm 5 lub xeev ntuj tau ua cov hauj lwm no. Yam li lawv tuaj txog ntawm lub tsev teev Ntuj, ces cov neeg laus muab tus ntoo cuam ntawm cov neeg tsim koob hmoov coj los tso rau ntawm cov hluas caj dab.

Nyob hauv zaj nthuav ntawv Moo Zoo, Vaj Qhia hais 3 yam txog Yes Xus nyob hauv lub tuam tsev teev Ntuj raws li Mas Tais ntawv Moo Zoo, uas muaj lub ntsiab lus tias : 

“Loj hlob mus ua ke”.

Tom qab ua thaj txi Ntuj tas, Vaj Qhia thov Ntuj rau Angelus thaum tav su nyob ntawm lub qhov rais uas ntsia pom lub tshav puam Leej Ntshiab Pob Zeb. Vaj Qhia txhib hais txog nws kev nthuav Moo Zoo tias : txhob txiav txim rau peb cov txheeb ze los yog muab siab rau tsim lub ntiaj teb kom zoo tuaj los ntawm kev rhuav tshem tej nroj tsuag. Txawm li cas kuj xij, Vaj Qhia xav tias muaj ib qho chaw uas peb ua hauj lwm tau ywj siab, thiab qhov ntawd yog nyob hauv peb nruab siab.