VAJ QHIA HAIS KOM COV FORCOLARE UA POV THAWJ HAIS TXOG NTAWV NTSHIAB

Tuesday, February 23, 2021

Tim 6 lub 2 hlis tas los, Vaj Qhia Fas Ntshis Kus tau ntsib pab neeg Focolare (Work Of Mary) nyob hauv kem tsev Paj Lug 6. Pab neeg Focolare tau sib sau sab laj ua ke, vim lawv xaiv tsa tus thawj coj tshiab. Tus thawj coj tshiab tam sim no yog Margaret Carram, nws kuj koom sab laj ua ke nrog tus qub thawj coj hu ua Maria Voche.

Nyob hauv lub rooj sab laj, Vaj Qhia rov hais txog “Zoo siab ua pov thawj txog Ntawv Ntshiab”. Qhov no yog qhov uas cov Focorale ib txwm ua los lawm. Vaj Qhia tau txhib 3 nqe lus no : tom qab ntawm kev tsa pab neeg Focorale, qhov tseem ceeb ntawm txhua yam teeb meem tshwm sim thiab kev ua lub neej kom xwm yeem nyob hauv qhov tseeb. Maria Voche uas yog tus qub thawj coj ntawm pab neeg Focolare tau hais ib co lus ua Vaj Qhia Fas Ntshis Kus tsaug uas Vaj Qhia zoo siab nrog lawv sib fim. Tom qab Maria Voche hais lus tag lawm, tus thawj coj tshiab Margaret Carram thiaj sawv hais lus rau sawv daws ua kev zoo siab uas tau xais nws los ua tus thawj coj. Vaj Qhia hais tias nov yog lub sij hawm ntawm kev cog lus, tab txawm yuav muaj kev nyuaj thiab ntxhov npaum cas, tsis kav kev cog lus muaj nyob mus li.

Carram hais tias : lub rooj sab laj ntawm cov Focolare kuj tshaj tawm nyob Online mus thoob ntiaj teb. Ces muaj cov neeg As Xias, cov neeg Os Xes As Nias thiab muaj qee leej nyob As Mes Lis Kas teb sawv ntxov ntxov nkag mus koom nrog lub rooj sab laj no thiab. Focolare txhawb nqa txoj kev sib haum xeeb thiab ua kom txhua tus tub koom tes txawj saib xyuas lwm tus, txawj ua hauj lwm ua ke thiab nyias paub nyias hauj lwm nyob hauv Niam Mab Liab cov hauj lwm (Work Of Mary). Paub txog lub hom phiaj ntawm Work Of Mary. Tom qab cov neeg saib thiab cov neeg tuaj koom sab laj tag, Vaj Qhia Fas Ntshis Kus foom hmoov zoo rau sawv daws thiab nrog cov thawj coj uas tuaj sib sau sab laj li 100 tawm leej tham.