VAJ QHIA HAIS TXOG COV TUB NTXHAIS HLUAS HNUB

Tuesday, December 08, 2020

Txij xyoo 2021 no mus, kev ua hmoov tsuj xeeb cov tub ntxhais hluas hnub nyob ntiaj teb no, mas cov neeg ntseeg yuav npaj nyob hauv Hnub Chiv Yes Xus sawv rov los. Cov tub ntxhais hluas hnub ntau xyoo dhau los, mas cov neeg ntseeg tsuas yog npaj kom muaj rau cov tub ntxhais hluas xwb.

Qhov kawg ntawm thaj txij Ntuj hwm Yes Xus ua Vaj, mas Vaj Qhia tau hais tias nws tau txiav txim siab muab hnub ntawm cov tub ntxhais hluas nyob hauv lub Cheeb Koom Txoos los mus ua rau Hnub Chiv hwm Yes Xus ua Vaj. Qhov uas hloov li no, Vaj Qhia hais tias kev ua hmoov no tseem yog ib yam zais ntshis ntawm Huab Tais Yes Xus tus cawm seej raws li Leej Ntshiab Zam Paj Lug Ob uas yog tus xub pib, thiab yog tus muaj txiaj ntsim ntawm cov tub ntxhais hluas hnub nyob ntiaj teb no (World Youth Day (WYD).

Lub Cheeb Koom Txoos tau ua hmoov tsuj xeeb cov tub ntxhais hluas hnub ntau xyoo dhau los, mas yog kev ua hmoov ntawm cov xeev ntuj txhua txhua 2-3 xyoos. Ua hmoov tsuj xeeb cov tub ntxhais hluas hnub zaum kawg nkaus hauv xyoo 2019, mas yog ua nyob Pas Nas Mas teb. Zaum tom ntej uas yog xyoo 2023, mas yog ua nyob hauv lub tuam ceeb Lisbon, nyob Pos Tws Nkas teb. Tab sis WYD uas yuav npaj nyob Lisbon, mas raug tshem mus rau xyoo 2024, vim muaj tus kab mob Covid-19. Lub lis piam dhau los, cov sawv cev ntawm cov tub ntxhais hluas nyob Pas Nas Mas tau muab tus ntoo cuam ua lub cim rau cov tub ntxhais hluas tuaj ntawm Lisbon tuaj raws li Vaj Qhia hais, vim nws yog ib hnub ua hmoov uas tseem ceeb.