VAJ QHIA HAIS TXOG NTIAJ TEB TXOJ KEV NTSHAW

Vaj Qhia cov lus hais ua ntej lub rooj sab laj hais txog txhiam laj txhiam xws noj ntawm lub Leej Haum Kuj. Vaj Qhia sau cov lus no tias : “Kev tshaib yog ib qho teeb meem ntawm kev nrhiav txhiam xws noj, peb yuav xav thiab nrhiav dua lub tswv yim tshiab. Vaj Qhia cov lus yog xav txhawb nqa txoj kev ua hauj lwm thiab sib faib txhiam xws noj, vim tam sim no lub ntiaj teb tsis muaj kev sib zam txog yav tom ntej”.

Nyob hauv Tswv Qhia Paul Richard Gallagher tsab ntawv, mas Vaj Qhia txhab ntxiv hais tias “Kev sib sau sab laj yog ib qho tseem ceeb, vim tam sim no kev sib koom tes xwb thiaj yuav yeej txoj kev tshaib nqhis. Cov nom tswv yuav tau sib pab daws teeb meem kev tshaib nqhis ntawm cov teb chaws pluag txom nyem lub caij muaj tus kab mob COVID-19 sib kis no.

Vaj Qhia tau xa lus rau Antonio Guterres uas yog tus lwm tswj lub Leej Haum Kuj, vim yuav txog lub caij sab laj ntawm lub Leej Haum Kuj hais txog txhiam xws noj, yuav npaj lub rooj sab laj nyob Los Mas hnub tim 26-28 lub 7 hli thiab yuav npaj ib zaug ntxiv nyob hauv lub 9 hlis nyob Nyus Yos.

Vaj Qhia xav tias kev tshaib nqhis nyob ntiaj teb no, tsis yog tias txhiam laj txhiam xws noj tsis txaus, hos yog neeg nyiam kev plees kev yi, kev tsis ncaj ncees, kev hla txoj cai thiab kev sib ntaus sib tua ntau dua, ces tej yam no yuav tsum raug daws kho. Kev daws cov teeb meem no, yuav tsum txhawb nqa kev lag luam nyob hauv tej zej zog, txhawb nqa kev noj kev haus thiab tso tseg pov tej toob xib qias neeg tsis muaj chaw. Yuav ua dab tsi, mas yuav tsum xub xav txog sawv daws tej kab lis kev cai thiab huab cua nroj tsuag, vim tas puas tsav yam nyob ib ncig yus yog qhov tseem ceeb.

Peb muaj txhiam xws txaus rau sawv daws noj, tab sis coob leej tseem tshaib nqhis txog qhov lawv tsis muaj dab tsi noj, qhov no yog ib qho phem kawg.