Vaj Qhia hais txog Vaj Qhia Npes Nes Dis tim 16 txoj kev ntseeg tsis yog kev xav uas nkag siab, tab sis yog ib tug neeg uas yuav tau ntsib Yes Xus

Vaj Qhia Fas Ntshis Kus ua thaj txi Ntuj nyob hauv lub tuam tsev teev Ntuj hwm Leej Ntshiab Pob Zeb, nco txog Vaj Qhia thiab cov Tswv Qhia Liab, cov Tswv Qhia txhua tus uas tau tag sim neej ntau xyoo dhau los cov txiaj ntsig. Nws hais txog Vaj Qhia Npes Nes Dis tim 16 hais tias : tas lawv cov poj yawm txwv koob piav txog lawv tus kheej tias lawv yog cov neeg me nyob hauv Tswv Ntuj lub vaj txiv cawv. Lawv ua hauj lwm tsis yog ua rau Vaj Qhia Fas Ntshis Kus. Lawv ua hauj lwm nyob hauv kev sib pom dej siab thiab muag nyoos, qhov tseem ceeb yog ua neeg me. Cov me nyuam ntsuag, cov poj ntsuam thiab cov pej kum neeg yog cov neeg nyob ib leeg thiab yog cov raug tso pov tseg coob tshaj. Vim li no lawv thiaj yog cov ntxim hlub tshaj nyob hauv Tswv Ntuj. Nyob hauv cov lus nthuav ntawv Moo Zoo, Vaj Qhia hais txog tus Vaj Qhia ua ntej no uas nws tuag hnub tim 31 lub 12 hlis. Nyob hauv cov ntawv sau tseg Deus Caritas Est thawj tsab ntawv. Tus Vaj Qhia uas tuag lawm, nws tau sau tseg tias : lub ntsiab ntawm Yes Xus yog “lub siab uas txawj ntsia pom”. Pes tsawg zaus lawm uas Yes Xus qhia peb tias kev ntseeg tsis yog txoj kev xav uas yuav tsum nkag siab los yog kev ncaj ncees uas yuav tsum ua raws. Tab sis yog tus neeg uas yuav ntsib Yes Xus, tus muaj lub siab kub lug nyob hauv txoj kev hlub. Tus uas ntsia neeg nyob hauv peb txoj kev khuv leej, thiab txoj kev txom nyem.

Tom qab ntawd Vaj Qhia Fas Ntshis Kus hais tias : “Qhov kawg ntawm thawj lo lus” uas Vaj Qhia Npes Nes Dis tim 16 hais yog piav txog nws tus kheej tias : “Tus tub zog uas ua neeg me nyob hauv Tswv Ntuj lub vaj txiv cawv.” Qhov tseeb tiag cov neeg ntseeg, Vaj Qhia, cov Tswv Qhia Liab thiab tsoom Tswv Qhia puav leej raug hu ua cov tub zog ua neeg me. Ntawd yog hais txog “Ua hauj lwm, tsis yog kev rau mov noj thiab nqa cov txiv cawv hauv Tswv Ntuj lub vaj los tso ntawm lawv xub ntiag. Nws yog qhov zoo tiag tiag uas yuav muab tus kheej los ua hauj lwm rau Yes Xus lub Koom Txoos.” 

Dhau ntawm Vaj Qhia kev nthuav ntawv Moo Zoo, hauv lub thaj txi Ntuj kuj yog lub caij ua tawm hais txog kev hwm cov Tswv Qhia Liab thiab tsoom Tswv Qhia uas tau tuag nyob hauv lub xyoo.