VAJ QHIA SAU NPES HAIS TXOG KEV THAJ YEEB 2020

Friday, October 30, 2020

Hnub tim 20 lub 10 hli no, Vaj Qhia Fas Ntshis Kus thiab cov thawj coj ntawm txoj kev teev hawm nyob thoob ntiaj teb tau sib sau sab laj nyob Los Mas. Lub hom phiaj ntawm kev sab laj yog hais txog kev thaj yeeb thiab kev teev hawm nyob thoob ntiaj teb uas yog cov ntseeg nyob Saint Egidio ua tswv cuab thiab coj lub rooj sab laj kev tseev tsim thiab kev thaj yeeb xyoo 2020. Kev sib sau nyob Los Mas, yog ib txog kev sib sau tas tsoom neeg ntseeg nyob thoob ntiaj teb tsis hais poj niam los txiv neej, kom sawv daws los sib koom thov Ntuj ua ke. Yam li thov Tswv Ntuj lub txiaj ntsim kev thaj yeeb pub rau lub ntiaj teb neeg.

Lub sij hawm ywj fab ywj fwj no, sawv daws ntshai tsam tus kab mob Covid-19 rhuav kev thaj yeeb thiab ua kom neeg sib tawg, vim kev nyob ib leeg tab seeb tsis muaj leej twg nyob taus. Li ntawd, txog lub sij hawm lawm uas sawv daws yuav tau sawv khov kho los tsim kev thaj yeeb kom lub ntiaj teb tsis txhob muaj tsov rog, vim nov yog lub hom phiaj ntawm lo lus peb hais tias tsis muaj tsov rog ntxiv lawm. Ua ntej txhua yam yuav lig dua no, thov qhia sawv daws tias tsov rog ua kom lub ntiaj teb piam sij thiab puas tsuaj tuaj xwb. Tsov rog yog kev swb ntawm kev tseev tsim thiab tib neeg. Peb thov kom cov thawj coj nyob tas ntiaj teb txhob sib faib teb chaws, txhob muab txoj kev ntshai thiab kev tsis tso siab los siv rau tej yam uas nws yuav tig tsis tau rov qab. Peb pom tias zim txwv no kev sib txeeb sib tawg muaj ntau tas nrho. Peb yog txhua tus thawj coj nyob tas ntiaj teb, thov kom sawv daws ua hauj lwm ua ke thiab tsim kev thaj yeeb. Nod yog Vaj Qhia Fas Ntshis Kus cov lus hais rau cov thawj coj ntawm txhua txoj kev teev hawm thiab cov tub tseev tsim nyob Los Mas.