VAJ QHIA THOV COV TXIV NEEJ TXHOB TSIM TXOM COV POJ NIAM

Nyob hauv hnub thov Ntuj thoob qab ntuj ncaj rau hnub nco txog Leej Ntshiab Npas Khis Tas, Vaj Qhia Fas Ntshis Kus tau tso tawm cov lus hais txog kev ua luam neeg.

Hnub ntawd, koom haum poj niam thiab txiv neej tau koom tes nrog cov Kav Tos Liv lub koom haum tiv kev ua luam neeg Tas Lis Tas Kus (Talitha Kum) tsa kab ke thov Ntuj ua ke. Muaj Vaj Qhia ua tswv cuab.

Vaj Qhia nqua hu sawv daws kom sib pab txuag lub siab chim siab thaum hnov hais txog kev tsim txom thiab muab cov poj niam los cov me ntxhais ua luam nrhiav nyiaj, xws li yuam lawv yuav txiv, yuam lawv ua ntxhais qhev, yuam lawv ua zog yam tsis raug cai.

Vaj Qhia hais ntxiv tias txhua yam phem poj niam thiab cov ntxhais tau ntsib ntawd, yog cov qhov txhab nyob saum Leej Pleev lub cev, yog cov qhov txhab nyob saum sawv daws cev nqaij, yog cov qhov txhab tob cuam tshuam rau txhua tus neeg.