VAJ QHIA THOV KOM KEV THAJ YEEB MUAJ NYOB HAUV TEJ PAWG NEEG KEV NCAJ NCEES THIAB SIB SAIB XYUAS

Vaj Qhia Fas Ntshis Kus xa ib co lus hauv Video mus rau cov neeg tuaj sib sau sab laj hais txog lub ntiaj teb zaum tim 4 (EMMP). Kev qhia kev ntseeg nyob hauv tej pab neeg coob coob, mas yog hais txog txhua yam xws li ; xaiv txoj kev rau cov neeg pluag, cov teb chaws txais kev lag luam, kev sib koom ua ib lub siab, kev muaj feem cuam thiab kev ua zoo ua ke. Txhua yam no yog lub hom phiaj ntawm kev tshaj lub Moo Zoo uas tseeb tiag.

Ib co lus ntev tsawv uas xa mus txog txhua pab neeg, lawv yuav khaws tseg ua kev phooj ywg tus cag, feem coob yog cov teb chaws nyob Latin America.

Vaj Qhia txhib kom lawv “npau suav” txog kev ncaj ncees ntawm tej pawg neeg thiab “kev ua” kom tau. Txoj cai ntawm kev ua qee yam tej zaum kuv ua kom muaj kev pauv ntxeev mus rau qhov zoo.

Kev sib kis kab mob, ua kom muaj neeg mob thiab tuag nyob hauv ntau lub teb chaws. Kev sib kis kab mob loj, kuj ua rau ntau lub teb chaws muaj kev kub ntxhov txog txhiam xws noj. Tab txawm muaj kev pauv ntxeev mus ntau npaum li cas thiab tus kab mob sib kis loj, tsis kav thov kom txhua yam hloov mus rau qhov zoo.

Thov kom txhua fab hauj lwm kho mob tau ua tej yam hauj lwm zoo, thiab ua nyob hauv txhua lub teb chaws, txhua tus neeg, kom sawv daws tuaj yeem tau txais cov Vaccine. Vim muaj ntau lub teb chaws cov pej xeem 3-4 feem pua thiaj tau txais Vaccine xwb. Vaj Qhia Fas Ntshis Kus tseem thov kom cov neeg tuav nyiaj txiag tso cai rau cov teb chaws pluag txom nyem muaj cai qiv nyiaj raws li lawv cov pej xeem xav tau. Thiab zam kev them paj ntawm cov pej xeem. Txhawb nqa cov tuam tsev tsim toob xib kom zoo tuaj, kom tib neeg txawj tso tseg kev luaj teb ntov ntoo, txawj txuag tej niam dej thiab toj roob hauv pes. Tsis txhob pov tej yam qias neeg rau hauv tej niam dej thiab hiav txwv, txhawb nqa tej txhiam xws zoo noj thiab neeg lub siab.