Vaj Qhia thov kom pab txhawb nqa tib neeg kev ncaj ncees lub sij hawm nws mus Bahrain teb

Vaj Qhia hais tias tsis tsim nyog hla tib neeg txoj cai kev ncaj ncees. Thiab txwv tsis pub muab lub txim tuag rau cov neeg raug txim lub sij hawm uas nws mus tsham Bahrain, yog zaum 2 uas Vaj Qhia mus tsham Aus Paws Xias hnub tim 3 lub 11 hlis no. Vaj Qhia yog tus coj tas tsoom neeg ntseeg 1 plhom 300 txhiab tus neeg ntseeg nyob thoob ntiaj teb. Vaj Qhia Fas Ntshis Kus yog thawj tug Vaj Qhia uas mus tsham lub teb chaws me me no. Nws lub hom phiaj ntawm kev mus tsham, yog xav sib tham txog cov neeg ntseeg thiab cov Mawv Xis Lim.  

Tab sib pab neeg saib xyuas kev ncaj ncees thov kom kev mus tsham zaum no, Vaj Qhia hais txog kev hla tib neeg txoj kev ncaj ncees ntawm lub teb chaws uas muaj tus vaj yog coj kev teev hawm Xum Nis.

Vaj Qhia hais rau cov thawj coj thiab tus vaj Hamad bin Kalifa uas yog tswv cuab tias : kev thaj yeeb ntawm kev teev hawm tsim nyog yuav tsheej xeeb thiab tsis txhob txwv kev ywj pheej ntawm kev teev hawm, thiab kev ua txhua yam hauj lwm yuav tsum mus zoo thiab muaj meej mom. Yog thawj zaug uas Vaj Qhia mus tsham cov teb chaws pov txwv, tom qab Vaj Qhia mus tsham United Arab Emirates xyoo 2019.

Vaj Qhia xav nthuav kev ntseeg ntawm cov kev teev hawm thiab.

Vaj Qhia lub hnub nyoog muaj 85 xyoos lawm, thiab nws zaum nyob hauv ib lub tsheb neeg xuas tes thawb, vim nws mob pob hauv caug. Nws nce thiab nqis dav hlau yog xuas tej daim hlau uas siv hluav taws xob swb mus los.

Vaj Qhia tau ua thaj txi Ntuj nyob ntawm lub tshav puam, nws kuj coj sawv daws thov Ntuj pub kev thaj yeeb nyob hauv lub tsev teev Ntuj tshiab uas loj hauj sim. Cov neeg raug lub txim tuag lawv cov tsev neeg uas nyob Bahrain, kuj sau ntawv taij thov kom Vaj Qhia pab hais txog kev txo lawv lub txim tuag thiab.