Vaj Qhia tus tiam lis thiab cov Tswv Qhia Thaib tuam tus choj ntawm kev nkag siab

Lub rooj sab laj ntawm cov thwj tim nyob Thaib teb thov kom cov Tswv Qhia Kav Tos Liv muaj feem cuam txog kev sib tham ntawm cov kev teev hawm, kom txhawb nqa kev nkag siab thiab kev sib koom tes hauv txhua txoj kev teev hawm.

Kev hais lus nyob hauv lub rooj sab laj loj ntawm cov Tswv Qhia Kav Tos Liv nyob Thaib teb hnub tim 12 lub 9 hlis, Tswv Qhia Peter Wells hais tias : “Peb tsis tuaj yeem nyob tau ib leeg twm zeej, los yog saib peb tej kev sib txawv ua teeb meem.”

Vaj Qhia tus tiam lis hais tias : “Lub Koom Txoos Kav Tos Liv yuav tsum saib kev sib tham yog qhov muaj nqis”. Nws hais tias : “Qhov no ua kom peb tau kawm thiab rov sib nkag siab, txawj ntsia pom tej kab lis kev cai uas sib txawv nyob hauv kev teev hawm, thiab nrhiav qhov tseem ceeb los ua hauj lwm ua ke”. 

Cov neeg ntseeg nyob Thaib teb feem coob yog cov haiv neeg tsawg thiab tas cov neeg ntseeg nyob Thaib teb yog 388,468 leej. Muab xam los mas cov neeg ntseeg tsuas yog 0.58 feem pua ntawm tas tsoom pej xeem Thaib uas muaj 69 plhom leej. Kev sib tham hauv lub rooj sab laj zaum no tsim nyog nrhiav lub hom phiaj ua ke, yam li kev ncaj ncees, kev sib pom dej siab thiab kev thaj yeeb, kom tau ua ke daws cov teeb meem hauv tsoom pej xeem. Dhau no lawm, tus tiam lis kuj txhib kom cov Tswv Qhia txhawb nqa tib neeg kev ncaj ncees thiab. Hais txog tsoom pej xeem thiab kev lag luam uas tsis sib luag, thiab ua kom tej yam sawv daws ntsib hloov los ua tej yam zoo nyob Thaib teb.