Vaj Qhia txhawb nqa cov tub tshaj Ntuj Lus As Mes Lis Kas kom mloog Tswv Ntuj, mus ua ke thiab ua tim khawv

Vaj Qhia txhawb nqa cov tub tshaj Ntuj Lus As Mes Lis Kas, kom lawv mloog Tswv Ntuj, mus ua ke thiab ua tim khawv nyob hauv lub Koom Txoos uas muaj cov Txiv Plig mus ke nyob hauv lub Caij Hla. 

Vaj Qhia tau ntsib cov Txiv Plig, cov tub tshaj Ntuj Lus thiab cov tub tseem hwv hauv lub nroog Cleveland lub xeev Ohio, kom tau tsuj xeeb nco txog kev tsa pab tub tshaj Ntuj Lus txwm 175 xyoos. Vaj Qhia hais tias kev mloog yog qhov tsim nyog, yog qhov ua kom lawv txawj nco txog Tswv Ntuj cov Lus. Kev teev Ntuj nyob ntsiag to, nyo hau thiab ntsib phooj ywg hauv fab ntsuj plig. “Txhob hnov qab qhov tseem ceeb ntawm koj tus kheej uas muaj rau Tswv Ntuj, kom tau mloog yam uas Tswv Ntuj xav hais rau koj. Kev mloog Tswv Ntuj lub suab nyob hauv peb nruab siab thiab txawj pom txog Tswv Ntuj lub siab, yog qhov peb nrug tsis tau nyob hauv peb. Lub caij peb ntsib teeb meem thiab kev nyuaj”.     

Hais txog kev mus ua ke, Vaj Qhia pom tias lub neej ua tub tshaj Ntuj Lus pab kom coj tus yam ntxwv txawj teev Ntuj nyob hauv txoj kev ua hauj lwm. Kev mloog Tswv Ntuj, pab kom peb txawj nyob ruaj khov hauv peb txoj kev ntseeg thiab kom tau qhia tau tshaj Tswv Ntuj cov Lus. Qhov tseeb thiab qhov zoo ntawm lub txiaj ntsim, nws yog kev sov siab. Vaj Qhia hais ntxiv tias : tsim nyog sawv daws yuav sib cog kev phooj ywg xws li kwv tij nyob hauv cov neeg ntseeg, cov Tswv Qhia, cov Koom Txoos thiab lub Koom Txoos nyob thoob ntiaj teb.