VAJ QHIA TXHAWJ XEEB TXOG NEEG KEV SIB RAUG ZOO NYOB HAUV TSOV ROG

VAJ QHIA TXHAWJ XEEB TXOG NEEG KEV SIB RAUG ZOO NYOB HAUV TSOV ROG (Licas news photo)

Vaj Qhia Fas Ntshis Kus hais tias nws tu siab uas muaj kev sib ntaus rog tshwm sim tuaj nyob hauv Aws Los Pas sab hnub tuaj, yog Lav Xias thiab Us Kas Zis Nas.

Vaj Qhia hais tias “Peb nypb hauv kev ntaus rog, yam no ntxim tu siab kawg nkaus. Ntiaj teb neeg cav tias neeg muaj kev huam vam, muaj tswv yim txawj ntse, neeg yog tus tsim txhua yam zoo nkauj rau lub ntiaj teb, tab sis neeg tab tom poob qab hauv kev ntos daim ntaub thaj yeeb, thiab neeg yog tus thawj hauv kev tsov rog.”

Cov tub rog Lav Xias li 149,000 leeg tau mus hauv Us Kas Zis Nas teb, lawv hais tias yog lub teb chaws tsis kam txais tub txoov tim tswv Pus Tis cov lus, mas lawv yuav mus kom thoob lub teb chaws.

Vaj Qhia hais ntxiv tias sawv daws vam khom tias ntiaj teb neeg yuav sib tuav tes mus ua ke rau hauv tiam yuav txog tom ntej no, tab sis qhov tseeb yog neeg tab tom tuav tes nrhiav qhov tsaus nti.

Dhau ntawd, Vaj Qhia tau hais txog kev tsis sib haum xeeb hauv As Xias Nrab, Xis Lias thiab Is Lav, hauv Es Thes Pias thiab Lis Npaas.