Vas Tis Kas cov neeg mus tsham Kos Lim Naj, kom tau nco txog 60 xyoo ntawm ob tog muaj tiam lis thiab muaj kev sib raug zoo

Tswv Qhia Richard Gallagher yuav nyob Kos Lim Naj mus txog hnub tim 23 lub 11 hlis. Nws hais txog kev txaus siab ntawm lub Koom Txoos thiab As Xias uas yuav sib pab nrhiav txoj kev tshiab hauv kev thaj yeeb los cheem kev sib tawg hauv tsov rog. Nws tau ntsib cov neeg ntseeg Kos Lim nyob hauv hnub tim 16 lub 9 hlis.

Vaj Qhia Fas Ntshis Kus hais tias : “Kuv xav caw nej kom nrhiav lub suab hu ntawm nej, uas nej yog cov thwj tim ntawm kev thaj yeeb. Nyob hauv txhua ntu hauv lub neej, yog kev txhib sawv daws kom ua tim khawv, ua cov tim khawv uas ntseeg siab tias yav tom ntej tsis yog tsim nyob hauv kev kub ntxhov thiab riam phom, tab sis yog nyob hauv txoj kev sib raug zoo.”

Tswv Qhia Richard Gallagher tau ntsib Kos Lim Naj tus thawj pwm tsav Han Duck-soo thiab cov neeg ntseeg Kav Tos Liv. Kev sab laj ntawm Kos Lim (CBCK), nrog Txiv Plig Matthias Ri Yong-hoon thiab kev sabl aj hais txog kev sib raug zoo ntawm Vas Tis Kas nrog Kos Lim Naj. Ob tog txoj kev xav yog “Sib pab saib xyuas kev nco tseg thiab saib xyuas kev cia siab.”

Kev mus tsham zaum no, yog kev tawm rooj zaum ob ntawm Tswv Qhia Gallagher nyob hauv cov teb chaws As Xias, suav txij lub 7 hli xyoo 2018 los. Nws kuj tau ntsib tus Txoov Tim Tswv Moon Jae-in thiab ncig saib xyuas kev ruaj ntseg raws Kos Lim ciam teb.