VAS TIS KAS NPAJ NKAUG TSHUAJ VACCINE RAU 300 TUS NEEG

Vas Tis Kas hais tias yuav nkaug tshuaj Vaccine rau cov neeg tsis muaj vaj tsev nyob thiab cov tsis muaj zog. Kev nkaug tshuaj Vaccine no yuav nkaug nyob hauv kem tsev Paj Lug 6. Hnub tim 8 lub 5 hlis no, muaj 300 tus neeg tuaj mus nkaug tshuaj Vaccine tiv thaiv. Ob peb lub lis piam tag los, tau muaj cov neeg pluag txom nyem tuaj mus nkaug tshuaj Vaccine li ntawm 1,400 leej lawm.
Lub sij hawm no Vaj Qhia lub Koom Haum pab neeg tshaj tias hais txog cov hauj lwm Vaccino Sospeso, mas muaj neeg nyiam coob tshaj qhov xav tseg lawm. 
Cov hauj lwm no nto npe los ntawm Is Tas Lias tej kev cai, tus siv yuav tsum them nyiaj txij 2 khob kob swm tshuaj (Caffe Sospeso) nce mus. Tab sis nws tsuas haus ib khob xwb, yuav muab ib khob tso tseg. Kom lwm tus neeg thiaj yuav tau haus Caffe Sospeso uas tsis raug them nyiaj. Cov hauj lwm no muaj neeg pab nyiaj li ntawm 200,000 US dos las, kom tau coj mus ua cov hauj lwm tiv thaiv tus kab mob Covid-19 nyob Is Ntias teb, uas yog lub teb chaws raug tus kab mob Covid-19 zaum ob loj tshaj cov. Vaj Qhia Fas Ntshis Kus tau muab siab rau thiab koom ib lub siab nrog tsoom pej xeem Is Ntias ua siab loj tiv thaiv, nyob hauv nws tsab ntawv uas sau mus rau Tswv Qhia Oswald Gracius nyob Npoos Npes.