Vas Tis Kas qhib chaw kho mob nyob hauv lub tshav puam Leej Ntshiab Pob Zeb

Hnub tim 9 lub 11 hli tag los no, Tswv Qhia Fisichella ntawm Dicastery for Evangelization tau qhib lub chaw kho mob nyob hauv lub tshav puam Leej Ntshiab Pob Zeb, yog ib txoj kev pib los kom tau pab cov neeg pluag nyob ntiaj teb zaum tim 6.

Tswv Qhia nco txog Vaj Qhia Fas Ntshis Kus cov lus tias “Cov neeg pluag yog cov nyob ze Tswv Ntuj, thiab yog tus sawv cev ntawm kev tshaj lub Moo Zoo”. Yog tus txha ntawm kev pib ua txhua yam pab cov neeg pluag nyob ntiaj teb zaum tim 6.

Kev qhib chaw kho mob nyob hauv lub tshav puam Leej Ntshiab Pob Zeb, yog txhob txwm ua los kom tau soj ntsuam neeg lub cev thiab kho mob dawb pub rau cov neeg uas lawv tsis tuaj yeem mus tau hauv tsev kho mob. Yog ib txoj hauj lwm uas ua tom qab tus kab mob sib kis thoob ntiaj teb 2 xyoos, thiab nyiaj tsis muaj nqis los ntawm tsov rog Us Khas Zis Nas thiab ntiaj teb kub ntxhov kev ua hauj lwm.

Lub chaw kho mob no soj ntsuam txhua yam mob ntawm neeg lub cev thiab siv tshuab hluav taws xob soj ntsuam neeg lub plawv, txhaj tshuaj tiv thaiv kab mob, tshawb nrhiav tus kab mob COVID-19, soj ntsuam kab mob HIV, soj ntsuam kab mob siab thiab lwm yam kab mob.