As Xias toob fab naj rov qhib kev txais cov neeg txawv teb chaws

As Xias toob fab naj rov qhib kev txais cov neeg txawv teb chaws

Nyab Laj teb, Mas Les Xias teb, Thaib teb thiab Mias Mas. Yog cov teb chaws nyob As Xias toob fab naj, lawv tshaj tias yuav rov qab qhib qhov rooj txais cov neeg ncig tsham teb chaws nyob rau lwm lub hlis.

Tus pwm tsav fab kev ncig tsham teb chaws nyob Mas Les Xias hais tias : nws tsis ua xyem xyav txog cov neeg ua lag luam tos txais cov neeg tsham teb chaws lawv lub peev xwm, tab txawm tias txij hnub tim 8 lub 3 hlis los cov tseem hwv hais tias yog lub caij sib kis mob loj.

Xyoo 2022 no, Kuala Lumpur vam tias yuav muaj cov neeg txawv teb chaws tuaj mus tsham li ntawm 2 plhom leej. Thaib teb kuj tsis xav kom muaj teeb meem rau cov neeg ncig tsham teb chaws, thiab vam tias hnub tim 1 lub 4 hlis no yuav pib muaj cov neeg txawv teb chaws nkag tuaj rau Thaib teb. Vam tias xyoo no yuav muaj cov neeg txawv teb chaws tuaj tsham Thaib teb li ntawm 5 plhom leej. Xyoo 2019 cov neeg txawv teb chaws tuaj ncig tsham Thaib teb muaj txog 40 plhom leej, ces pom tau tias tam sim no tsawg heev lawm. Hanoi kuj txo txoj cai nkag teb chaws xoob dua qub thiab tsis kaw tus kheej lawm. Cov neeg txawv teb chaws uas mus txog Hanoi yuav raug soj ntsuam kab mob tag, thiab nws tuaj yeem ncig tsham tau hauv Nyab Laj teb.