Xov Xwm Koom Txoos. Tim 5 lub 11 hlis 2022 (News from the world and the Church)

Xov Xwm Koom Txoos. Tim 5 lub 11 hlis 2022 (News from the world and the Church)

Asian bishops’ meeting in Thailand is ‘synodality in action,’ says Philippine prelate
Hais txog cov Tswv Qhia lub rooj sab laj nyob Thaib teb, yog kev sib sau koom siab thiab ua ntxiv mus
Tus thawj tswj cov Tswv Qhia neeg Fis Lis Pees piav txog lub rooj sab laj uas sawv daws tab tom sib sau thiab ua ntxiv mus ntawm lub Koom Txoos Kav Tos Liv nyob As Xias, uas tsa nyob Thaib teb. Tswv Qhia Santos uas tuaj ntawm Npees Las Des teb tuaj hais tias : 
“Kev sib sau sab laj no, ua kom sawv daws txoj kev xav hais txog kev sib sau ntawm cov teb chaws uas muaj Vaj Qhia ua tus coj, tseem niaj hnub ua hauj lwm”.
Nws hais tias : kev sib koom ua pab pawg, yog ib qho tseem ceeb uas sawv daws muab siab rau muab los hais nyob hauv lub rooj sab laj cov Tswv Qhia As Xias (FABC).
Kev sib sau sab laj ntawm FABC txwm 50 xyoo no, yog tseem kev sab laj tiag. Cov lus no yog Tswv Qhia Santos hais rau lub tshaj xo Radio Veritas 846 nyob Mas Nis Las. 
Nws hais ntxiv tias : cov neeg tuaj sib koom ntawm cov thawj coj hauv lub Koom Txoos, mas lawv tab tom ua hauj lwm nyob hauv lub rooj sab laj. Tsaib no, Vaj Qhia Fas Ntshis Kus tau pib “Kev sib txuas”, kom tau soj ntsuam txog kev saib xyuas thiab kev siv lub hwj chim hauv lub Koom Txoos, ib yam li cov hauj lwm uas lawv tau ua. 
Xyoo 2018, Tswv Qhia hais tias kev sib sau sab laj tsis yog ua kom muaj ntaub ntawv xwb, tab sis yog ua kom tej yam kev npau suav pom tsis tseeb tawm tuaj. Kom kev cia siab loj hlob thiab ua kom muaj kev sib ntseeg siab tso siab. Cog kev phooj ywg thiab cog kev cia siab kom loj hlob. Sawv daws yuav kawm thiab sib cog qhia ua ke, kom muaj kev txawj ntse, muaj kev sov siab thiab ntxiv lub zog rau peb txhais tes.

Parish with large missionary vocations holds reunion in Bangladesh
Lub Koom Txoos thiab cov tub tshaj Ntuj Lus tsa kom muaj kev sib ntsib nyob Npees Las Des teb
Txij hnub tim 13 txog tim 14 lub 10 hli no, yuav npaj tsa kom muaj kev sib ntsib nyob thaj tsam Tumilia Parish, thiab nyob thaj tsam Gazipus uas yog qhov chaw pib txoj hauj lwm. 
Lub tsev teev Ntuj Leej Ntshiab Zam Ntxuav Plig pib muaj kev ntseeg txij xyoo 1844, ces ntau caum xyoo dhau los no cov neeg ntseeg muaj coob tuaj. Tam sim no cov neeg ntseeg yog 6,000 leej nyob hauv lub tsev teev Ntuj no. Lub tsev teev Ntuj no muaj Txiv Plig, muaj cov neeg ntseeg thiab muaj 180 tus mlom, raws li Txiv Plig Albin Gomes hais. Kev rov los sib ntsib no, muaj lub hom phiaj sib faib kev tshaj Ntuj Lus thiab mloog txhua tus zaj tswv yim kom tau txhib lwm tus txoj kev tshaj Ntuj Lus kom muaj zog thiab zoo tuaj. Kev sib ntsib zaum no muaj 500 leej sib sau ua ke.
Cov hauj lwm no yog thawj cov hauj lwm nyob hauv tsev teev Ntuj, thiab tsis yog ua kom muaj kev sov siab xwb, nws yog zoo li tus choj tuam rau sawv daws.

Vatican and Holy See stress on service of Digital technology for common good
Vas Tis Kas thiab Holy See txhib kom muaj Technology thiab muaj txiaj ntsim kev sib koom
Pab neeg sawv cev ntawm Vas Tis Kas thiab pab neeg sawv cev ntawm Holy See txhib hais txog kev siv Technology kom muaj txiaj ntsim qab hauv thiab kev sib koom sab laj “Plenipotentiary Conference” ntawm lub Leej Hauj Kuj uas tsa muaj nyob hauv lub nroog Bucharest, teb chaws Romania, hnub tim 26 lub 9 hlis txog tim 14 lub 10 hli dhau los no.
Leej Phauj Raffaella Petrini thiab Txiv Plig Lucio rov hais tias : kev txhim kho Technology rau kev sib xa xov, mas yuav tsum nrhiav txiaj ntsim qab hauv rau tsoom pej xeem thiab mloog lawv tej kev xav, kom haum raws li Vaj Qhia cov lus “Kev mloog yog thawj qib uas tso tseg tsis tau nyob hauv kev sib tham thiab sib xa xov”.
UN yog tus muaj zog tshaj nyob hauv kev sab laj, yog fab hauj lwm uas tuaj yeem txiav txim siab tau hais txog kev sib xa xov ntawm cov teb chaws (ITU).
Kev sib sau sab laj muaj nyob hauv txhua txhua 4 xyoos ib zaug, kom tau rov kho txoj cai ntawm lub Koom Haum, kom muaj zog thiab txhim kho fab Technology rau kev sib xa xov mus thoob ntiaj teb.

Hanoi, a new pastoral centre for the archdiocese Inaugurated at the end of the Bishops' Conference Plenary Assembly.
Hanoi : Lub tsev tshaj Ntuj Lus tshiab ntawm lub Cheeb Koom Txoos pib qhib txij hnub cov Tswv Qhia lub rooj sab laj tiav tas
Nyob hauv tuam ceeb Hanoi, lub tsev tshaj Ntuj Lus tshiab nyob hauv lub Cheeb Koom Txoos tau qhib raws txoj cai lawm. Yog lub tuam tsev 12 txheej siab thiab loj dav kawg. Yog qhov chaw nruab nrab ntawm lub Koom Txoos nyob Nyab Laj qaum teb.
Hnub tim 7 lub 10 hli no, tau ua cov kab ke qhib lub tuam tsev, vim yog lub hnub nyoog hais txoj Saw Mab Liab. Tom qab lub rooj sab laj cov Tswv Qhia zaum tim 15, mas cov Tswv Qhia sawv daws kuj tuaj koom ua cov kab ke qhib lub tuam tsev tshiab ntawd. Muaj tus Tswv Qhia Liab sawv Vaj Qhia cev nyob Nyab Laj teb hu ua Marek Zalewski tuaj koom thiab Muaj cov neeg ntseeg ntau txhiab leej tuaj koom. 
Cov kab ke ntawd yog ua nyob hauv lub tsev teev Ntuj hwm Leej Ntshiab Yos Xes. Lub tsev tshaj Ntuj Lus yog qhov chaw sawv daws sib koom ua ib lub siab thiab ib yim neeg loj nyob hauv lub Cheeb Koom Txoos. Tswv Qhia Yos Xes Vu Van Thien nyob Hanio, yog tus coj ib pawg neeg ntseeg coob coob li ntawm 350,000 leej. 
Lub tuam tsev tshaj Ntuj Lus tshiab no, yuav yog qhov chaw sib koom ntawm cov neeg ntseeg nyob hauv lub Cheeb Koom Txoos, yuav ua qhov chaw sab laj thiab qhov chaw cov Txiv Plig tuaj so. Muaj ib chav tsev cia sab laj loj dav thiab muaj 400 lub rooj zaum, muaj chav saib ntawv thiab muaj chav pw li ntawm 200 chav tsev. Lub tuam tsev no yuav pab txhawb nqa kev txawj ntse thiab paub txog Huab Tais Yes Xus, kom sawv daws sib koom ua ib lub siab los tshaj Ntuj Lus rau ib zeej tsoom neeg.