YOG PEB NQUAG THOV NTUJ CES TXHUA LUB QHOV ROOJ YUAV QHIB

Vaj Qhia Fas Ntshis Kus hais tias : “Yog peb nquag thov Ntuj thiab txhob yws yws taus, mas txhua lub qhov rooj yuav qhib”.
Lo lus no Vaj Qhia hais nyob hauv hnub ua lub thaj txi Ntuj hwm Leej Ntshiab Pob Zeb thiab Leej Ntshiab Paj Lug nyob Vas Tis Kas.

“Yog peb teev Ntuj kom ntau dua qub thiab tso kev yws taus tseg me ntsis,
mas ntau lub qhov rooj uas raug kaw yuav qhib thiab ntau txoj saw hlau yuav tu”

Leej Ntshiab Pob Zeb thiab Leej Ntshiab Paj Lug nkawd sib txawv deb heev, tab sis yog vim Yes Xus lub Moo Zoo, ces nkawd sib raug zoo cuag li kwv tij koom niam koom txiv. Nkawd sib raug zoo thiab qee zaus kuj muaj lus sib cav sib ceg, tsis kav kev hlub ua kom nkawd tsis sib nrug thiab nkawd 2 lub siab ruaj nreb hais txog kev ua Yes Xus Thwj Tim. Pob Zeb thiab Paj Lug tsis yog los ntawm qhov tshwm sim tsis zoo ib yam, nkawd yog los ntawm Tswv Ntuj los, vim Tswv Ntuj tsim nkawd tsis zoo ib yam, tab sis kom nkawd sib hlub xws li kwv tij. 
Nod yog thawj lub cim ntawm thawj tug neeg ntseeg uas raug hiam. Thaum lub caij nws ntsoos, tsis muaj ib tug khiav, tsis muaj ib tug xav txuag nws cev nqaij daim tawv. Sawv daws sib koom thov Ntuj, mas cov zaj thov Ntuj muaj zog. Lub caij ntawd tsis muaj leej twg xyav moo tsis zoo txog Hes Los thiab thuam txog Hes Los txoj kev hiam neeg, tsis muaj leej twg muaj cuab kav ua tsis zoo rau Hes Los. Tab sis sawv daws yws nyob hauv nruab siab txog Hes Los xwb. Kom peb nco ntsoov tias : kev yws luag tej yog txoj kev kaw peb tus kheej tus ntsuj plig ntshiab. Vim li ntawd peb yuav rov thov Ntuj sib pab peb tus kheej. Leej Ntshiab Paj Lug tau ua kom cov neeg ntseeg txawj thov Ntuj pab lwm tus neeg thiab cov nom tswv kav teb chaws. (Li ntawd, kuv xav ntuas nej, kom nej xub thov Ntuj, teev Ntuj, thiab hais tej zaj ua Ntuj tsaug rau tas ib zeej tsoom. Nej yuav thov Ntuj rau cov vaj, thiab cov muaj cai tswj luag tej, kom peb tau kev coj ib lub neej nyob nyab xeeb thiab tiaj tus nyob hauv txoj kev hwm Ntuj thiab muaj tsim. Tej ntawd yog kev zoo thiab xis tus Tswv Ntuj cawm peb lub siab). 1TMT 2 : 1 – 3
Hnub tim 29 lub 6 hli yog hnub Vaj Qhia foom hmoov zoo rau Pallia, ua lub Cim hais txog kev sib haum xeeb pub rau cov Tswv Qhia Liab thiab cov Txiv Plig uas lawv tau txais lub Cim Tiag Tes nyob nruab xyoos. Tsis tas li ntawd, hnub ntawd kuj yog hnub uas Leej Ntshiab Pob Zeb tus duab mlom tau hnav cev khaub ncaws Tswv Qhia nyob hauv Vas Tis Kas thiab.