Cov lus ntawm lub neej

Cov lus ntawm lub neej

“Yuav sib nyiam sib hlub thiab sib hwm”.
Cov lus hauv lub neej ntawm lub hlis no, yog los ntawm Paj Lug tsab ntawv uas nws sau mus rau cov ntseeg nyob Los Mas. Nws cov lus muaj ntau lub ntsiab lus. Paj Lug hais txog lub neej ua neeg ntseeg tias : yog lub neej muaj ntau yam kev hlub. 
Yog kev hlub tsis muaj ciaj ciam thiab yog kev hlub uas Tswv Ntuj tau hliv los rau hauv peb nruab siab. Ua ke ntawd kuj yog txoj kev hlub uas peb muab rau lwm tus, kom nws meej tseeb thiab zoo dua qub. Lawv zais ob zaj kev xav nyob hauv tib lo lus, qhov ntawd yog tus neeg txawj ntse thoob tsib. Nws qhia txog 2 yam hauv kev hlub uas sib txawv ntawm cov neeg ntseeg. Kev hlub ntawm yus cov phooj ywg thiab kev hlub hauv yus yim neeg. “Yuav sib nyiam sib hlub thiab sib hwm”. 
Lo lus no thov muab los hais rau kev sib nyiam sib hlub hauv kwv tij. 
Paj Lug hais tias : cov neeg ntseeg sib nyiam sib hlub, vim lawv sib koom nyob hauv ib tug. Lawv ua kwv ua tij, mas lawv tshuav kev sib nyiam sib hlub nuj nqis. Thaum lawv nrog cov neeg zoo siab nyob ua ke, mas lawv yuav zoo siab thiab nrog cov neeg quaj quaj ua ke. Lawv tsis txiav txim thiab tsis ua tej yam dawm qhov muag.
Kev ua lub neej ntawm peb nws txuas nrog lwm tus lub neej, thiab zej zog ua tim khawv txog lub neej ntawm txoj kev hlub uas Yes Xus coj tuaj rau lub ntiaj teb neeg.  Nod yog kev hlub uas xav kom muaj kev txi txiv rau lwm tus. Dhau nov lawm kev hlub tseem yog kev hlub uas ua tawm tias yus saib xyuas lwm tus thiab saib xyuas lawv txoj kev sov siab. Nws ua rau kev hlub puv npo thiab cov neeg sib tw rov sib txaus siab rau lawv tus yam ntxwv. Yog kev hlub uas nrhiav yam sawv daws xav tau thiab ua txhua yam kom zam txoj kev tso ib tug rov tom qab. Nws rub kom peb muaj kev lees txais txhua yam thiab kub siab lug nyob hauv zej zog, tej kab lis kev cai thiab kev muaj feem cuam hauv kev tseev tsim.
“Yuav sib nyiam sib hlub thiab sib hwm”.
Saib cov zej zog nyob hauv thawj ib puas xyoo, peb pom tias kev hlub ntawm cov ntseeg uas nthuav tawm rau sawv daws tsis xaiv leej twg nws nto npe. 
Chiara Lubich sau rau cov tub ntxhais hluas xyoo 1970, hu ua Philadelphia. Txhais tias kev hlub ib yam li kwv tij, nyob hauv cov neeg ntseeg tej ntaub ntawv lub caij ntawd. Lo lus no yog siv los hais txog kev hlub ntawm kwv tij uas koom ib txog hlab ntsha. Tsis muab los siv hais txog cov tswv cuab ntawm tib lub zej zog. Tsuas yog phau ntawv Cog Lus Tshiab xwb thiaj li muaj kev zam tsis hais txog. 
Cov tub ntxhais hluas feem coob paub tias yuav tsum muaj kev sib raug zoo kom tob, muaj siab tiag thiab muaj kev hlub ua ke. Cov neeg ntseeg txheej thaud kuj muaj tus xeeb ceem ntawm kev hlub zoo ib yam li kwv tij, xws li kev hlub ntawm lub zog thiab kev nrhiav.  
“Yuav sib nyiam sib hlub thiab sib hwm”. 
Qhov txawv ntawm cov zej zog kev sib hlub, yog cov tswv cuab tsis kaw lawv tus kheej thiab yuav tab meeg ntsib tej yam tseeb uas tshwm sim nyob hauv lawv. 
J.K uas nws yog neeg Serbian roj ntsha Hungarian thiab yog ib leeg txiv 3 tug me nyuam, qhov kawg nws kuj muas tau tsev, tab sis nws raug xwv txheej. Nws tsis muaj nyiaj txiag thiab tsis muaj peev xwm los kho nws tus kheej. Vim li ntawd, pab neeg Focolare thiaj pib ua cov hauj lwm muaj peev xwm saib xyuas los yog “Dare to Care” ntawm cov tub ntxhais hluas. Cov hauj lwm United World thiaj tuaj yeem txhawb nqa thiab ua tau.
J.K hais kub siab lug txog kev sib koom ua ib lub siab ntawm cov neeg pab luag tej, tsis muaj leej twg xav tau kev yeej los ntawm kev ua siab dawb siab zoo. 
Muaj coob leej neeg tuaj pab kuv, ces 3 hnub xwb peb kuj hloov tau ru tsev thiab pua tau lub qab nthab uas yog plaster. Qee leej tuaj ntawm Tses Kos teb tuaj pab nyiaj rau kev txhim kho thiab. Tej kev sib pab no ua tim khawv txog yam qhov muag ntsia pom nyob hauv zej zog thiab tsis raug txwv thaj tsam thiab kev tseev tsim.