Hnub Chiv Tim 11 Lub 18 Hlis 2022 (Sunday Homily)

Hnub Chiv Tim 11 Lub 12 Hlis 2022
Lub caij Tos Huab Tais Yes Xus
Mas Tais: 1:18-24

“Yog Leej Ntuj Plig Ntshiab ua kom nws xeeb tub. Nws yuav yug ib tug tub, koj yuav tis nws npe hu ua Yes Xus: vim nws yuav cawm nws haiv neeg ntawm lawv cov txhaum.”
Nyob zoo…
Yos Xes yog ib tug neeg tseem ceeb tshaj uas nws npaj Tswv Ntuj txoj kev cawm neeg. Nws txoj hauj lwm tseem ceeb yog npaj txoj kev rau tus Cawm Seej. Nws tsis yog neeg muaj suab muaj npe. Nws ua Tswv Ntuj tej hauj lwm ntsiag to xwb. Yos Xes txoj hauj lwm yog hais tias nws coj Niam Mab Liab los nyob hauv nws tsev. Nws mloog cov lus uas Huab Tais tus tshiab hais rau nws. koj txhob ntshai coj Mab Liab, koj tus poj niam, los nyob hauv koj tsev. Yog Leej Ntuj Plig Ntshiab ua kom nws xeeb tub. Nws yuav yug ib tug tub, koj yuav tis nws npe hu ua Yes Xus: vim nws yuav cawm nws haiv neeg ntawm lawv cov txhaum.” Qhov no yog txoj hauj lwm loj tshaj plaws. Yog Yos Xes tsis coj Mab Liab los nyob nws tsev, ntshe luag yuav rau txim rau nws tiag tiag. Ua li ntawd, Yos Xes yog ib tug neeg tseem ceeb npaj Huab Tais txoj kev cawm neeg. Vim tias tus yuav yug los yog Tswv Ntuj Leej Tub twm seej. Cov lus uas Huab Tais tus tshiab hais yog cov lus uas Yaj Saub His Xais hais rau Ahaz, Yus Das tus vaj thaum tab tom ua tsov ua rog. Nws hais tias “Das Vis tsev neeg, nej mloog mas! Nej ua kom tej tib neeg sab tas nrho, lost sis txaus nej siab! Nej tseem yuav ua kom Tswv Ntuj sab thiab. Vim li ntawd, Huab Tais yuav pub ib lub cim rau nej. Nej ntsia saib! Tus poj niam hluas xeeb tub lawm. Nws yuav tug ib tug tub. Nws yuav tis npe 4rua nws tus tub hu ua Es Mas Nus Es.” Mas Tais siv lo lus Es Mas Nus Es hais txog Huab Tais Yes Xus. Lub npe uas Huab Tais tus tshiab hais rau Yos Xes kom tis tus me nyuam npe kuj yog hu tias “Yes Xus.” Iesous los Yehoshuah muaj lub ntsiab tias “Yahweh yog txoj kev cawm” los Tswv Ntuj yog tus cawm. Tus tub lub npe yog nws lub hom phiaj hauv ntiaj teb no, yog hais tias nws yug los cawm Tswv Ntuj me tub me nyuam kom dim ntawm kev txhaum kev tsis zoo. Nws yug los daw txhaum rau tib neeg. 
Ntawm peb mas, hauv lub caij no, peb yuav npaj peb lub neej hauv txoj kev ntseeg zoo li cas. Yaj Saub His Xais tau hais piv txwv tias: “Nej tshav ncaws nws tej xub ke kom tiaj tus, thub av rau cov kwj ha,” Yog kev meem lub siab lub ntsws tsis ncaj kom xwm yeem kom zoo! Kev ua lub neej uas nkhaus mus nkhaus los yuav tsum taug kom ncaj. Lub siab lub ntsws uas tsis huv tsis ncaj yuav tsum ua kom huv kom ncaj tuaj. Kev npaj yam tseem ceeb yog npaj tej kev no. tej yam uas Zam ua tuaj ncig thoob Yos Las Das teb yog kev tshaj ib co kab ke ntxuav pab tig los yuav lub siab tshiab kom tau daws txhaum. Kab ke ntxuav plig yuav tsis muaj qab hau yog tsis muaj kev tig los yuav lub siab tshiab. Kev tig los yuav lub siab tshiab yog thawj yam ua npaj txais tus Cawm Seej tej yam no yog cov uas peb yuav npa nyob hauv lub caij no ua ntej Yes Xus yog los.
Thov nej sawv daws npaj siab tos tus cawm Seej uas yuav tuaj mog!