Hnub Chiv Tim 19 Lub 6 Hlis 2022 (Sunday Homily)

Hnub Chiv Tim 19 lub 6 Hlis 2022

Lub caij nyob nruab xyoo
Cav txog Yes Xus lub siab lub plawv/ hwm lub cim ntshiab
Lus Kas 9: 11-17

“Yes Xus tuav tsib lub ncuav mov thiab ob tug ntses, nws tsa muag ntsia saum
ntuj, nws foom hmoov zoo rau cov mov thiab cov ntses. Nws muab ntais, nws
muab rau cov thwj tim kom cev rau tsoom sid noj.”

Hnub chiv no yog hnub nyoos hwm lub Cim yug, los cav txog Yes Xus lub siab
lub plawv. Corpus Christi Lub Cim yug yog dab tsi? Ua cas peb ho ua hmoov nco
txog?
Lub cim yug txhais tias Yes Xus lub cev thiab Yes Xus cov ntshav. Yes Xus lub
cev kuv hais txog ntawm no muaj cov nqaij thiab cov ntshav. Muaj ob yam. Thov
nej sawv daws nco ntsoov kom zoo. Tsis yog nqaij xwb. Muaj nqaij thiab ntshav.
Huab Tais Yes Xus nyob ntawm lub cim yug tiag tiag.
Peb txais Yes Xus lub cev hauv lub thaj txi ntuj. Vim tias lub thaj txi Ntuj yog kab
ke tseem ceeb tshaj plaws nyob hauv lub koom txoos Catholic txoj cai. Nyob hauv
lub thaj txi Ntuj, txiv plig foom hmoov zoo rau lub ntsuav mov thiab cov cawv
kom txia ua Yes Xus lub cev thiab cov ntshav rau peb tos txais, yug peb txoj sia,
yug peb tus plig. Thaum hais txog Huab Tais Yes Xus lub siab lub plawv, peb
yuav tsum nco txog lub thaj txi Ntuj thiab Lub Koom Txoos tas huv si. Vim tias
yog muaj lub thaj txi Ntuj xwb, tab sis tsis muaj cov neeg ntseeg, tsis muaj lub
koom txoos, lub thaj txi Ntuj kuj tsis muaj lub ntsiab dab tsi.
Vim li ntawd, lub thaj txi Ntuj yog kab ke tseem ceeb tshaj plaws. Peb yuav tsum
tuaj koom kab ke txi Ntuj, tuaj mloog Ntuj lo lus, txais Yes Xus lub cev thiab cov
ntshav. Yog tsis muaj dej num tseem ceeb, thov caw nej sawv daws tuaj koom thaj
txi Ntuj niaj hnub chiv. Thiab kev mus koom thaj txi Ntuj hnub chiv yog lub Koom
Txoos Catholic txoj cai uas cov ntseeg yuav tsum ua. Qhov no yog lo lus teb tias
ua cas peb ho ua hmoov nco txog lub Cim yug?
Thov nej sawv daws tuaj koom lub thaj txi Ntuj, tuaj txais lub Cim yug, thiab thov
nej sawv daws noj qab nyob zoo mog.