Hnub Chiv Tim 2 Lub 5 Hlis

Hnub Chiv Tim 2 Lub 5 Hlis

Lub cail Hla

Zam 15: 9-17

Nyob hauv Tswv Ntuj lo lus no, Huab Tais Yes Xus caw peb sawv daws kom ua raws li nws lus qhuab qhia. Nws xav kom peb nyob txawm hauv nws txoj kev nyiam. Ua li ntawd, nws thiaj li hais tias “yog nej coj kuv cov lus qhia mas nej yuav nyob txawm hauv kuv txoj kev nyiam.”

Cov lus qhia no tsuas muaj qhov tseem ceeb tias “nej yuav sib nyiam sib hlub zoo li kuv nyiam kuv hlub nej.” Qhov no yog cov lus tseem ceeb tshaj plaws hauv cov lus qhia tas los.

Hais txog kev sib nyiam sib hlub hauv peb Hmoob lub neej yog ib yam tseem ceeb tshaj plaws. Thaum muaj tus thawj coj qhia cov pej xwm hauv zej zog, hauv lub ntees tuag, hauv kab tshoob kev kos, thiab kab ke tseem ceeb. Nws hais txog kev sib nyiam sib hlub sib law liag mus li. Nws thov kom peb Hmoob sib nyiam sib hlub tsis hais nyob qhov twg nyob lwm lub teb chaw, nyob deb nyob ze, yuav tsum sib hlub, tsis tawg ua pab ua pawg.

Vim li ntawd, Yes Xus cov lus qhia thiaj yog cov lus peb cov kwv tij Hmoob yuav tsum coj mus ua raws nyob hauv peb lub neej.

Thov kom kwv tij Hmoob sawv daws sib nyiam sib hlub nyob mus li, thiab thov kom Tswv Ntuj foom koob foom hmoov rau nej sawv daws. Nyob zoo!