Hnub Chiv Tim 3 Lub 4 Hlis Ntuj 2022 (Sunday Homily)

Hnub Chiv Tim 3 Lub 4 Hlis Ntuj 2022

Lub Caij Plaub Caug tim 5

Zam: 8:1-11

“Kuv kuj tsis muab txim rau koj thiab. Koj rov mus, txij no mus koj txhob ua txhaum ntxiv lawm mog.”

Nyob zoo, ib tsoom niam txiv kwv tij neeg tsa…

Hnub no yog hnub chiv tim 5 lawm. Kwv tij hmoob sawv daws nyob hauv zaj nyeem hnub no Zam hais txog tus poj niam deev hluas. Israel cov thawj coj yam li cov kws ntawv thiab cov Fas Lis Xais co jib tug poj niam tuaj rau Yes Xus. Lawv xav sim Yes Xus, lawv thiaj li tau kev mus kom nws. Tab sis mas Yes Xus hais rau lawv tias “Nyob hauv nej, yog leej twg tsis muaj txhaum, mas kom nws xub txawb ib lub pob zeb rau tus poj niam ntawd.” Cov lo no muaj hwj chim tshaj. Muaj hwj chim tshaj uas rau cov neeg nyob ntawd tab tom yuav txawb tus poj niam nyias rov mus nyias zuj zus thiab cov xub mus yog cov laus dua. Zoo li ntawd, nej sim xav tias yog Yes Xus hais rau nej tias “Nyob hauv nej, yog leej twg tsis muaj txhaum, mas kom nws xub txiav txim rau luag tau, kom nws muab txim rau luag tau. Kuv ntseeg tias tsis muaj leej twg tsis muaj txhaum, los yeej tsis tau ua txhaum os, puas yog?

Huab Tais Yes Xus xav qhia rau cov neeg ntawd thiab xav qhia peb sawv daws tias Huab Tais Tswv Ntuj tib leeg xwb thiaj muaj peev xwm txiav txim. Tib neeg tsis muaj peev xwm txiav txim lwm tug. Ua li ntawd mas txhob txiav txim rau luag! Txawm tias Haub Tais Tswv Ntuj muaj peev xwm txiav txim tab sim mas Tswv Ntuj txim muab txim, Tswv Ntuj daw txhaum. Cov lus uas Yes Xus hais rau tus poj niam ntawd “Kuv kuj tsis muab txim rau koj thiab. Koj rov mus, txij no mus koj txhob ua txhaum ntxiv lawm mog” nws kuj hais rau peb sawv daws thiab. Tswv Ntuj muaj kev nyiam kev hlub rau tib neeg, Tswv Ntuj xav zam txiv rau tib neeg, yog tib neeg “rov mus” nhriav Tswv Ntuj thiab muab siab tias “txij no mus” txhob ua txhaum ntxiv lawm mog! Los xij no mus kuv yuav muab siab khiav kom deb ntawm kev ua txhaum law mog. Lo lus no yog Huab Tais Yes Xus cov lo lus hais rau tus poj niam thiab hais rau peb sawv daws txhua leej txhua tus.