Kev xam khib rhuav tshem peb

Kev xam khib rhuav tshem peb.
Envy will destroy us

Kev sib khib tseem ceeb npaum cas nyob hauv ntiaj teb cov ntaub ntawv ? Sim xav txog zaj hais txog Yos Xes thiab nws cov kwv tij nyob hauv Ntawv Ntshiab seb, yuav pom tias zaj ntawd yog hais txog kev sib khib npaum cas. Los yog zaj hais txog Xas Ws thiab Das Vis ib tug nyob hauv Xas Mus Es, yuav pom tias kev xam khib ntawm Xas Ws uas khib Das Vis, nws yog lub zog sib khib hauv neeg txoj kev phooj ywg. Qhov ntawd yog dab tsi ? 
Kev sib khib yog dab tsi ? Tos Mas As Khais Nas txoj kev xam khib yog zoo li no : nws tsis tsim nyog npau taws rau lwm tus txoj kev ua tiav. Nws kuj zoo heev lawm tsis yog lod ? Zoo li kuv hais tias As Khais Nas nyob ntawd, ces yog lawm. Kev khib yog kev chim yam tsis muaj qab hau rau lwm tus. Qhov no ua rau kuv nco txog ib tug kws txuj neeg As Mes Lis Kas, kuv xav tias tus yam ntxwv ntawm kev xam khib, mas yog thaum kuv tus phooj ywg tau ua qee yam tiav, qee yam ntawm kuv twb tuag mus lawm. Thaum kuv tus phooj ywg ua tiav, mas nws yog kuv tus yeeb ncuab los yog neeg tsis tau sib paub dua. Tab txawm lawv ua tiav, kuv kuj tsis quav ntsej. Thaum kuv tus phooj ywg ua tiav, qee yam hauv kuv lub cev kuj tuag lawm.
Kev tsis tsim nyog npau taws rau tej yam lwm tus ua tiav, thiab yam nyob ze kev ntxub ntxaug, kev khav theeb nws tseeb dua. Ib qho uas yuav rhuav tshem kev khib, yog ua kom lwm tus paub tias lawv qis los sis nyob nres nroos tsis kam txo tus kheej kom qis. Li ntawd yog tias koj siab fab nyob tsis tswm, mas koj tab tom txhib koj tus kheej nyob pem hauv ntej tas li. Yog koj ua li no, mas koj yuav tsis muaj hnub ntsib lwm tus txoj kev ua tiav. Kuv tsis xav ntsib tej yam no, kuv tsav tsheb huas lawv ntej tas li, ces kev sib khib thiaj yog kwv tij ntawm kev nyob sib ze. 
Tam sim no yuav soj ntsuam txog qee yam nyob hauv yus txoj kev nyeem zaum ob, nyob hauv hnub no uas muab los ntawm Yas Kos tsab ntawv. Kuv pom tias nws luv heev, zaum thiab muab koj phau Ntawv Ntshiab tawm los thiab nyeem Yas Kos tsab ntawv. Koj yuav nyeem tau Yas Kas cov tsab ntawv yam yooj yim kawg, koj siv sij hawm 10 feeb los 15 feeb los nyeem xwb. Yas Kos ntse kawg yog hais txog lub ntiaj teb thiab lub siab, nws paub zoo txog qhov no. Nod yog qhov uas nws hais tias qhov twg muaj kev xam khib thiab muab hlob, mas qhov ntawd muaj kev nyuaj kev ntxhov thiab ua phem ntau yam. Yuav ntsia pom tias lawv txuas nrog kev xam khib thiab kev muab hlob sib xyaws ua ke. Lawv yog zoo li ib pab kwv tij. Kuj yog zoo li kuv hais no, kev nyuab kev ntxhov kev ua txhaum muaj tas mus li. Kev xam khib yog ib qho nyob hauv kev txhaum. Kev txhaum yog peev ntawm kev txhaum loj uas koj xav tau. Tab sis kuv nyiam qhov peev, yog los ntawm lo lus tias caput, txhais tias taub hau thiab nws hais txog lub qhov txhaum ntawm kev yuam kev. 
Kev xam khib ua kom tej yam yus tsis nyiam tshwm sim thiab yus ntxub, puas yog ? Kuv pib xyav txog lwm tus, vim li cas peb ho xyav lwm tus lub moo ? Yog vim peb xav ua kom lwm tus tag kev cia siab, peb xav rhuav lawv lub suab npe, vim lawv ua tau zoo dua peb. Ces thiaj ua kom muaj kev phem tshwm sim tuaj. Koj puas paub tias kuv tab tom hais txog dab tsi tus phooj ywg ua txhaum ? Peb tsis xav pub leej twg huas peb ntej, ces peb ua tej yam txhaum loj. Peb khav theeb los yog xav tias peb ntse dua, yam li peb maj mam rhuav lwm tus lub npe. Yog lawm, kev xam khib yog txhaum loj kawg. Khauj khaum taub hau ntawm lub taub hau xws li Yas Kos hais tseg, kev muab hlob thiab kev ua txhua yam phem maj mam raws peb. Kev muab tus kheej saib hlob yog zoo li cas ? Xav txog tej yam phem los ntawm yus txoj kev saib tus kheej loj dua.
Kuv hais txog zoo li kuv xav tsuj ib tug neeg twg, yog muaj neeg txhawb kuv lug zog, mas kuv kawg ua kev piam sij lub caij kuv tab tom nce taw ntaiv xwb. Li ntawd, txhua yam phem yog tawm ntawm qhov kuv ua ntawd los. Tab sis Yas Kos ua xyem xyav txog qhov no thiab kuv kuj xav tias tseem ceeb heev. Peb tab tom tham txog qhov nruab nrab hauv kev xam khib thiab muab hlob yog yam uas lawv tsim tawm. Nov yog qhov lawv hais tias tsov rog thiab kev sib txeeb nyob hauv nej tuaj qhov twg tuaj ? 
Nws tsis yog lod ? Yog los ntawm koj txoj kev txhob txwm tsim kom muaj tsov rog nyob hauv koj pab pawg. Txhua yam kev phem no yog tawm los ntawm kev xam khib thiab kev muab hlob khav theeb. Thaum muaj kev sib tawg nyob sab haud, ces sab nraud kawg muaj kev sib tawg xwb. Yog thaum kuv tus ntsuj plig sab hauv tawg lawm, mas kuv kheev kheev tseb kev ntxhov thiab kev tawg nyob sab nraud. Kuv twb siv dua cov duab qhov rais thiab paj ntshua nplaim los dua lawm, cov qhov rais zoo nkauj nyob nruab nrab hauv tsev teev Ntuj, yog qhia txog Yes Xus. Dhau ntawd lawm, tig mus saib ib ncig nws yog txhua yam ua kom lub qhov rais zoo nkauj xwb. Txhua yam nws yog sib xyaws nyob ua ke kom saib qhov nruab nrab zoo nkauj tuaj. Ntawd yog tus ntsuj plig uas nyob tau zoo thiab muaj chaw, nws muaj Yes Xus nyob nruab nrab. Tas txhua yam nyob ntawm kuv sab hauv, nws txuas nrog Yes Xus. Vim li no txhua yam thiaj sib xyaws tas, cov Leej Ntshiab yog tus neeg uas zoo txhij zoo txhua thiab pab kho peb lub cev sab nraud. Sib koom siab thiab kev kho sab nraud, vim peb yog neeg muaj txhaum. Yas Kos hais tias li cas ? Muaj tsov rog nyob hauv koj nruab siab, vim tsov rog nyob hauv koj nruab siab cais koj kom ncaim ntawm Yes Xus. Ces koj yuav yog tus neeg rov tseb kev kub ntxhov nyob ib puag ncig koj. Lub suab ntawd koj puas swm ? Tus phooj ywg ua txhaum, koj paub zoo tias kuv hais txog dab tsi. Thaum koj sab hauv tsis zoo lawm, koj kheev kheev ua kom sab nraud piam sij thiab puas yog ? Thaum peb xav txog txhua yam kev ntxhov, mas peb yuav nrhiav txoj kev tawm uas zoo thiab tsis yuam kev. Peb pom nyob hauv ntawv Ntshiab hnub no, Yes Xus tab tom taug kev nrog nws 12 tug Thwj Tim thiab nws qhia meej meej txog nws cov hauj lwm, tab sis nws raug tus yuav muab nws tua tiv tsis lees txais. Yam li Yes Xus nyob hauv txoj kev muab nws tus kheej los cawm neeg, vim yog Tswv Ntuj lub ceeb tsheej. Nov yog Yes Xus thiab nws cov Thwj Tim txoj hauj lwm. Lo lus tias koj yog kuv Thwj Tim, koj raws kuv qab thiab taug kuv tus neev taw, ces koj tau txais tib txoj hauj lwm zoo li kuv. 
Thaum Yes Xus hais qhov tseeb txog lawv txoj sia, yog kev hlub uas tsis muaj dab tsi, mas nws cov Thwj Tim pib sib cav txog dab tsi ? Tas txhua yam uas tshwm sim yog kev xam khib thiab kev muab hlob khav theeb. Peb leej twg yog tus loj dua ? Peb leej twg yuav mus ua ntej ? Kuv yuav tso koj li cas kom kuv zoo tuaj ? Yes Xus hais tias nej txoj hauj lwm, yog ua kom yeej nej txoj kev ruam thiab mus lawm tom hauv ntej.
Lawv tsis hnov tej lus uas lawv sib tham, vim lawv tsuas xav txog txoj kev xam khib thiab khav theeb muab hlob xwb. Leej twg nyob pem hauv ntej, kuv yuav ua dab tsi kuv thiaj tau nyob qhov chaw ntawd ? Los txog qhov no Yes Xus thiaj ua tej yam uas cov Thwj Tim xav tsis txog, yam li Yes Xus puag ib tug me nyuam ntawm xub ntiag, thiab tso tus me nyuam nyob nruab nrab hauv lawv. (Thov koj qi muag thiab xav txog daim duab uas hais ntawd nyob hauv koj lub siab ib pliag.) 
Cov Thwj Tim los zaum ncig Yes Xus thiab Yes Xus puag tus me nyuam ntawd. Yes Xus hais tias nej leej twg txais ib tug me nyuam nyob hauv kuv lub npe, mas kuj yog nws txais kuv. Cov me nyuam yog neeg tsis tseem ceeb, tsis muaj leej twg muab siab rau, vim lawv yog cov nyob qis qis hauv theem ntaiv kawg thiab ntawm ib zeej tsoom neeg xub ntiag. Vim txhua tus neeg xav tias nws yuav nce mus nyob saum theem ntaiv uas siab tshaj. Thaum Yes Xus tso tus me nyuam nyob nruab nrab hauv lawv, Yes Xus hais tias : tso nej txoj kev xam khib thiab kev khav theeb muab hlob tseg, nej yuav ua xws li tus me nyuam no. Cov me nyuam yus qhia tau, me nyuam yaus tsis paub txog lawv txoj kev twj lij, cov me nyuam tsuas nyob hauv lub ntuj uas niam thiab txiv muab rau lawv, thiab lawv ua yam uas niam thiab txiv kom lawv ua xwb. 
Ua yam uas koj hais, cia tus kheej txais Yes Xus cov lus. Kev nce theem ntaiv tsis yog qhov tseem ceeb, tab sis yog yam koj ua rau Tswv Ntuj lub ceeb tsheej. Cov me nyuam yaus muaj peev xwm heev, tab sis cov niam cov txiv tsis paub txog. Koj sim xav tias : ib tug me nyuam tab tom ua si thiab yam nws ua ntawd tsis muaj qab hau, tab sis nws yog me nyuam txoj kev ua si hauv niaj hnub. Tsis nco txog yav tag los, tsis xav txog yav tom ntej, vim tus me nyuam tsuas xav txog nws txoj kev ua si tam sim no.   
Kev muaj peev xwm yuav tso peb nyob hauv lub zim txwv no, xws li cov paj ntoos hais tias : xav tau kev hlub zim txwv no yog dab tsi ? Kev hlub xav tau dab tsi ntawm kuv tam sim no ? Qhov tseeb tiag txhob muab peb tus kheej tso rau yav tag los ntau dua, kev xam khib kheev kheev saib txog yav tag los thiab yam uas neeg ua. Zoo li yav tag los kuv tsis txaus siab rau qhov ntawd, thiab kuv tseem chim rau qhov ntawd. Kev khav theeb thiab muab hlob ntsia txog yav tom ntej puas yog ? Kuv yuav ua li cas ? Yav tom ntej kuv yuav vam meej tau li cas ? Kuv yuav mus qhov twg ? Thov kom koj hnov qab yav tag thiab yav tom ntej, koj ua xws li cov me nyuam yaus uas lawv nyob xyaw tej yam zoo nkauj thiab kev sov siab zim txwv no. Peb txhua leej txhua tus tiv kev xam khib thiab kev khav theeb muab hlob, peb paub tias muaj kev sib txeeb nyob hauv no. Thiab txoj kev sib tawg sab hauv ua kom muaj kev sib tawg sab nraud. Peb sawv daws paub zoo. Peb paub tias peb ib txwm mloog Yes Xus, tab sis peb tsuas xav txog qhov tias leej twg yog tus loj nyob pem hauv ntej. Thov koj khaws daim duab uas hais no nyob nrog koj, yog daim duab Yes Xus puag tus me nyuam, yog tus piv txwv qhia txog Tswv Ntuj lub Ceeb Tsheej. Thov Tswv Ntuj foom hmoov zoo rau koj ! 
Ua tsaug ntau.