NTAWV NTSHIAB HAUV HNUB TIM 24 LUB 7 HLIS 2021

HNUB XYA, LIS PIAM 16 CAIJ NRUAB XYOOS (XYOO TAB)

PHAU NTAWV KEV TSIV (KT 24: 3-8)

Mais Xes rov los hais HUAB TAIS cov lus thiab cov kev cai qhia rau tsoom pej xeem, tas sawv daws pom zoo koom ib lub suab teb tias "Cov lus uas HUAB TAIS tau hais mas peb yuav coj tas huv tib si."

Mais Xes muab HUAB TAIS cov lus sau rau hauv ib phau ntawv cia, ces tag kis, nws sawv ntxov, nws txhim ib lub thaj txi Ntuj rau ntawm taw roob thiab kaum ob tug ncej zeb rau kaum ob lub xeem His Xas Lais.

Ces nws xa ib co tub hluas His Xas Lais mus txi Ntuj, lawv coj tej tus thav nyuj mus hlawv txi rau HUAB TAIS.

Mais Xes cug cov tsiaj ntawd cov ntshav, nws muab ib nrab rau hauv phiab, nws muab ib nrab hliv ywg lub thaj txi Ntuj. Ces nws muab phau ntawv cog lus los nyeem rau tsoom pej xeem mloog, lawv qw tias "Txhua yam HUAB TAIS tau hais, peb yuav coj thiab peb yuav mloog."

Mais Xes txawm muab cov ntshav los nchos rau saum tsoom pej xeem sawv daws, nws hais tias "Cov ntshav no yog ntshav cog lus, HUAB TAIS tau nrog nej cog lus raws li cov lus sau hauv phau ntawv."

MAS TAIS NTAWV MOO ZOO (MT 13: 24-30)

Yes Xus tseem hais dua ib zag paj lug tias "Ntuj lub Ceeb Tsheej zoo li ib tug neeg tseb ib co noob zoo rau hauv nws daim teb. Thaum sawv daws tsaug zog tas, nws tus yeeb ncuab tuaj tseb ib co noob nroj rau hauv cov nplej tas ces nws rov qab mus. Txij thaum nplej hlob txog nplej txhawv, nroj kuj tawm tuaj thiab.

Cov tub txib tuaj hais rau tus tswv qoob tias "Huab Tais, koj tau tseb ib co noob qoob zoo rau hauv koj daim teb los tsis sub? Vim li cas thiaj muaj nroj?"

Tus tswv qoob teb rau lawv tias "Yog ib tug yeeb ncuab ua qhov ntawd." ov tub txib hais rau tus tswv tias "Koj puas xav kom peb mus sau cov nroj pov tseg?" us tswv teb tias "Kuv tsis xav! Tsam thaum nej sau nroj, nej rho tau nplej nrog thiab. Nej cia nroj nrog nplej hlob ua ke mus txog lub caij sau nplej. Thaum txog caij sau qoob, kuv mam hais rau cov sau nplej tias: Nej xub sau nroj pav ua tej teg cia hlawv, hos nej sau cov nplej rau hauv kuv lub txhab."