NTHUAV NTAWV MOO ZOO HNUB TIM 10/2/2020

LIS PIAM 5 CAIJ NYOB NRUAB XYOOS.
Yes Xus kho ib co neeg mob nyob Nkes Nes Xas Les. (MK 6 : 53 - 56)

Cov thwj tim hla dhau dej ntuj, lawv tuaj txog Nkes Nes Xas Les, lawv nqes nkoj. Thaum lawv nqes plhuav nkoj, muaj neeg cim tau Yes Xus tam sis ntawd. Cov neeg uas cim tau Yes Xus khiav thoob ib cheeb tsam ntawd, lawv mus kwv cov neeg muaj txiab nkeeg saum tej lub txaj lev tuaj rau Yes Xus. Lawv hnov luag hais tias Yes Xus nyob qhov twg, mas lawv kwv cov neeg mob tuaj rau ntawd. Yes Xus mus txhua txhia qhov chaw, hauv cov zos, cov nroog, thiab cov tsev twj cuab, lawv coj neeg mob tuaj tso rau ntawm tej tshav puam, lawv thov Yes Xus kom nws cia lawv kov nws, tab yog kov nws tw tsho xwb kuj tau. Cov neeg uas tau kov Yes Xus puav leej dim ntawm lawv tus mob.

Kwv tij sawv daws, nyob hauv phau ntawv Cog Lus Qub sau hais tias, lub phib xab cog lus, yog ntim Tswv Ntuj 10 lo lus qhia, yog Tswv Ntuj cov lus Ntshiab, uas sawv daws yuav tsum coj raws. Tus yuav cav koob meek txog Tswv Ntuj, nws yuav ua raws li Tswv Ntuj 10 nqe lus no. Nws yuav txav deb ntawm kev phem kev txhaum, ces Tswv Ntuj yuav nyob nrog nws.
Tab sis, nyem no Huab Tais Yes Xus tuaj qhia lo lus tshiab rau peb, yog lo lus hauv kev sib nyiam sib hlub, thiab tsob hwb luag tej. Li ntawd, nyob rau hauv Huab Tais Yes Xus ib sim neej nws tsuas qhia kom peb sib nyiam sib hlub thiab hlub luag tej.
Peb yuav tsis hais ntawm lub ncauj tias peb hlub luag xwb, tiam sis, peb yuav xub ua rau luag pom.

Tus nthuav : XH. Xyooj Tuam Lis, Zoo Tswv Zov Yaj

Add new comment

3 + 2 =