NTHUAV NTAWV MOO ZOO HNUB TIM 20/2/2020

LIS PIAM 6 CAIJ NYOB NRUAB XYOOS.
Pob Zeb lees ntseeg thiab Yes Xus qhia thawj zaug tias nws yuav raug tsim txom (MK : 8 : 27 - 33)
Yes Xus nrog nws cov thwj tim mus rau cov zos nyob cheeb tsam ntawm Xes Ntxas Les Fis Lis Pos. Thaum lawv mus kev, Yes Xus nug cov thwj tim li no : "Luag tej hais tias kuv yog leej twg ?"
Cov thwj tim teb tias : "Ib txhia hais tias koj yog Zam Ntxuav Plig, ib txhia hais tias koj yog Es Lias, hos ib txhia hais tias koj yog ib tug hauv cov yaj saub."
Yes Xus nug lawv tias : "Hos nej, mas nej hais tias kuv yog leej twg ?"
Pob Zeb teb rau Yes Xus tias : "Koj yog Leej Pleev."
Ces Yes Xus txwv lawv nruj kom txhob hais txog nws rau leej twg li.
Yes Xus pib qhia cov thwj tim hais tias : "Neeg Leej Tub yuav tsum raug txom nyem loj. Cov txwj laus, cov thawj leej choj thiab cov thoob xwm yuav muab nws xyeeb pov tseg ; luag yuav muab nws tua. Peb hnub tom qab, nws yuav sawv rov los. Yes Xus qhia tej ntawd tshab plaws. Pob Zeb rub Yes Xus los ntawm nws, ces Pob Zeb nroo rau Yes Xus. Tab sis Yes Xus tig ntsia cov thwj tim, nws cem Pob Zeb hnyav ncawv tias : "Xas Tas, koj lawv kuv qab ! Vim cov lus koj xav tsis yog Tswv Ntuj cov lus, yog neeg cov lus xwb !"