NTHUAV NTAWV MOO ZOO HNUB TIM 23/1/2020

LIS PIAM 2 CAIJ NYOB NRUAB XYOOS.
Tej pab neeg coob raws Yes Xus. (MK 3 : 7 - 12)
Yes Xus nrog nws cov thwj tim mus nram ntug dej ntuj. Muaj ib pab neeg coob kawg nyob xeev Nkas Lis Lais raws nws. Thiab tej pab neeg coob coob nyob Yus Das teb, nyob Yes Lus Xas Les, nyob Is Dus Mias, nyob sab dej Yos Las Das tim ub, nyob ib ncig Tws Los thiab Xis Doos tuaj cuag Yes Xus, vim lawv tau hnov txog tas ib puas tsav yam nws ua.
Yes Xus hais kom cov thwj tim muab ib lub nkoj dab rau nws, kom lawv txhob tsuj nws, vim neeg coob. Yog vim nws kho ntau leej zoo, ces tas cov neeg uas muaj txiab muaj nkeeg sawv daws phoom kom tau kov Yes Xus.
Niaj zaus, cov dab tsis huv pom Yes Xus, lawv khoov ti av nyob ntawm nws xub ntiag, lawv qw tias : "Koj yog Tswv Ntuj Leej Tub !"
Yes Xus txwv lawv nruj tsis pub lawv ua kom muaj neeg paub nws.