Tswv Ntuj txoj kev ua kom neeg ua xyem xyav. (God challanges us)

Tswv Ntuj txoj kev ua kom neeg ua xyem xyav.(God ways are confusing)

Cov phooj ywg sawv daws, hnub no kuv xav ua ib yam uas kuv tsis tshua ua yog nthuav ntawv Moo Zoo thaum kuv nyeem zaj nyeem ob tas. Nyob hauv ntau lub lis piam dhau los, peb tau nyeem Paj Lug cov tsab ntawv uas nws sau rau cov ntseeg nyob Los Mas thiab tej zaum nyob hauv ib xyoos kuv kuj rov nyeem cov lus no. 
Paul to the Roman yog ib co lus zoo kawg nyob hauv peb tej kab lis kev cai. Paj Lug yog thawj tug kws ntawv Ntshiab, nws yog thawj tug xub xav txog cov neeg ntseeg tej kab ke, vim tas Paj Lug cov tsab ntawv xub muaj dua ntawv Moo Zoo thiab sau ua lus Los Mas. Paj Lug cov tsab ntawv yog sau nyob hauv xyoo 50 uas yog thawj tiam neeg. Yog cov lus uas ntev heev thiab muaj qab muaj quag ntawm Paj Lug hais txog kev ntseeg. Txhua zaj muaj lub ntsiab hais txog kev ntseeg ua lus Los Mas. 
Whitehead hais tias txhua lub tswv yim yog cov lus nyob hauv qab Plato, koj kuj tuaj yeem hais tau tias tas cov neeg ntseeg txoj kev ntseeg kuj yog cov lus nyob hauv qab Paj Lug. Paj Lug ua lub ntsej muag puv npo nyob hauv nws cov tsab ntawv uas sau rau cov ntseeg nyob Los Mas. Kuv xav tias koj yuav txaus siab rau qhov ntawd, vim nws yog cov tsab ntawv tseem ceeb.  
Hnub no peb muaj ib lo lus raug siab thiab yog lo lus nrov heev, kuv yuav nyeem rau koj mloog, nws yog ib lo lus luv luv xwb. “Qhov tob ntawm kev nlplua nuj, kev txawj ntse thiab Tswv Ntuj txoj kev txawj. Lo lus txiav txim ntawm nws, tsis muaj leej twg paub thiab nws zaj tswv yim kuj tsis muaj leej twg paub txog.”
Tej zaum koj yuav hnov lo lus no lawm, tab sis tseem muaj ib lo lus nyob hauv tsab ntawv Los Mas zaj 9 txog zaj 11 uas Paj Lug tab tom hais txog teeb meem ntawm cov His Xas Lais thiab lub Koom Txoos. Txawm li cas kuj xij, kuv yuav tsis hais txog qhov ntawd, vim nws tsis yog lub hom phiaj ntawm cov lus kuv hais hnub no. 
Nws yog teeb meem kub ntxhov ntawm cov His Xas Lais uas yog haiv neeg Ntuj xaiv. 
Paj Lug kuj yog neeg His Xas Lais thiab nws lees tias Yes Xus yog Mes Xias. Yes Xus yog cov His Xas Lais txoj kev cia siab thiab qee leej kuj lees txais. Tab sis hais qhov tseeb tiag tias cov His Xas Lais feem coob tsis kam lees txais Paj Lug cov lus, tsuas muaj tsawg leej uas lawv lees txais cov lus ntawd. Koj xav li cas txog cov His Xas Lais uas raug xaiv, thiab Yes Xus yog cov His Xas Lais txoj kev cia siab ? Kuj yog li kuv hais, kuv tsis xav mus cuam tshuam txog zaj ntawd. Thov koj saib cov lus nyob hauv Los Mas zaj 9 txog zaj 11, lub ntsiab lus yog xaus rau kab lus no. Thaum Paj Lug tab tom tshawb fawb qhov ntxhov quav niab no thiab nws hais tias : “Qhov tob ntawm kev nlplua nuj, kev txawj ntse thiab Tswv Ntuj txoj kev txawj. Lo lus txiav txim ntawm nws, tsis muaj leej twg paub thiab nws zaj tswv yim kuj tsis muaj leej twg paub txog.” 
Kuv hais rau cov neeg tsis ntseeg coob leej, ntau zaus cov tsis ntseeg zaj hais txog Tswv Ntuj thiab cov tsis muaj kev tso siab. Tas txhia yam no txawv heev, koj puas ntseeg tias Tswv Ntuj paub tas txhua yam thiab nws siab zoo pub tas txhua yam no ? Paj Lug hais tias kuv zoo siab txais, Tswv Ntuj txoj kev yog peb chaw ua xyem xyav. Vim li ntawd cov uas lawv tsis ntseeg zaj hais txog Tswv Ntuj, lawv yuav hais tias : “Ntawd zoo tsis tas lod ? Ntawd tsis yog kev daws teeb meem yooj yim lod ? 
Los peb yuav hais tias nws yog ib qho txawv txav loj heev. Peb yuav tsum nco tias peb tab tom txuas lus nrog leej twg thiab peb tab tom hais txog leej twg, peb yog hais txog Tswv Ntuj. Ib yam li kuv twb tau hais ntau ntau zaus lawm tias : Tswv Ntuj tsis yog ib yam uas nyob hauv ntiaj teb no, tsis zoo li tej toob xib uas peb tuav thiab kov tau. Feem coob cov tsis ntseeg zaj hais txog Tswv Ntuj lawv kheev kheev ua yuam kev, vim lawv xav tias Tswv Ntuj yog zoo li ib qho toob xib loj loj. Qee leej hais tias muaj Tswv Ntuj, qee leej kuj hais tias tsis muaj. Peb mus nrhiav lo lus teb ua ke, qhov ntawd yog tej yam uas tsis yog Tswv Ntuj. Li ntawd, nyob hauv peb tej kab lis kev cai Tswv Ntuj thiaj hu ua tus yog, tsis tau hais tias Tswv Ntuj yog tej toob xib los yog lwm yam xws li cov hnub qub. Tswv Ntuj yog tus yog, txhais tias nws yog tus yog thiab yuav tsis muab Tswv Ntuj coj los piv rau tej yam toob xib nyob ntiaj teb no. Tswv Ntuj yog yam uas peb teeb tsis tau tias yog dab tsi thiab yog tej yam toob xib nyob hauv ntiaj teb no. Tswv Ntuj yog qhov neeg qhov muag pom tsis tau. Thaum kuv nkag mus rau qhov tseeb hauv Tswv Ntuj, tab sis kuv tsis pom Tswv Ntuj. Tsis zoo li ib txoj kev uas muaj npe qhia, ces yus paub tias yus tab tom mus qhov twg. Zoo li peb siv GPS qhia kev, ces peb paub txoj kev ntawd thiab peb mus raws qab. Peb tab tom raws Tswv Ntuj, ces zoo li peb tab tom mus hauv ib txoj kev tsis muaj npe, yog qhov txawv txav uas peb hu ua “Cov huab ntawm txoj kev tsis paub”, nws zoo nkauj kawg puas yog ? 
Koj sim xav txog tauv huab nyob saum lub roob Xis Nais seb, yog tauv huab qhia tias Tswv Ntuj nyob haud. Nws kuj yog tauv huab ntawm txoj kev tsis paub, vim peb qhov muag ntsia tsis pom. “Qhov tob ntawm kev nlplua nuj, kev txawj ntse thiab Tswv Ntuj txoj kev txawj. Lo lus txiav txim ntawm nws, tsis muaj leej twg paub thiab nws zaj tswv yim kuj tsis muaj leej twg paub txog.”
Tswv Ntuj yog txoj sia zoo li neeg, tab sis peb ntsia tsis pom. Tsis zoo li peb pom ib tug neeg twg, peb tuaj yeem saib thiab mem tau tias tus neeg ntawd tus yam ntxwv yog zoo li cas. Tab sis Tswv Ntuj yog neeg uas txawv txav peb ntsia tsis pom. Tswv Ntuj yog neeg tsis muaj ciaj ciam thiab piv tsis tau tias yog yam twg. Vim kev txiav txim ntawm nws, tsis muaj leej twg paub thiab nws zaj tswv yim kuj tsis muaj leej twg paub txog. Zoo ib yam li cov me nyuam hnub nyoog 3-4 xyoos, lawv paub tias nov yog lawv niam lawv txiv, tab sis lawv tsis paub tias lawv niam lawv txiv ua dab tsi. Txawm li ntawd tsis kav cov me nyuam kuj cia siab rau lawv niam lawv txiv, vim niam txiv hlub lawv. Peb tsis paub tsis pom Tswv Ntuj, tab sis peb yuav cia siab thiab tso siab rau Tswv Ntuj ib yam li cov me nyuam uas lawv tso siab rau lawv niam lawv txiv.  
Peb yuav los xaus cov lus qhia nyob hauv Paj Lug cov tsab ntawv uas yog hais txog kev ntseeg, kev ntseeg puas yog hais txog kev tso siab rau Tswv Ntuj. 
Paj Lug hais txog nws txoj kev ntseeg tias : kuv yog neeg ncaj ncees, vim kuv muaj kev tso siab rau Tswv Ntuj. Tab txawm kev txiav txim ntawm nws tsis muaj leej twg paub thiab nws zaj tswv yim kuj tsis muaj leej twg paub txog, tsis kav peb yuav tso siab rau Tswv Ntuj thiab peb thov Tswv Ntuj foom hmoov zoo rau koj !