Tswv Ntuj yog ib tug thiab peb tug nyob hauv tib lub sij hawm tau li cas ?

Tswv Ntuj yog ib tug thiab peb tug nyob hauv tib lub sij hawm tau li cas ?

Kuv muaj ib lo lus nug uas khuam rawv kuv lub siab tas li, Ntawv Ntshiab hais tias muaj tib tug Tswv Ntuj xwb, tab sis lwm qhov nyob hauv Ntawv Ntshiab, hais tias Tswv Ntuj yog Huab Tais Peb Leeg, xws li Leej Txiv, Leej Tub thiab Leej Ntuj Plig Ntshiab. 

Yuav ib txhij ua 2 yam tau li cas ?

Yog, nod yog lo lus nug uas khuam rawv tib neeg lub siab los ntau txhiab xyoo thiab peb tsis tuaj yeem yuav piav tau ntxaws. Kuv xav tias peb yuav nkag siab zoo txog txhua yam uas peb tsis nkag siab. Koj xav li cas ?

Kuv xav li no : 

Nod yog ib daim ntawv 2 meem.

Thiab nod yog ib yam khoom 3 fab (3D), uas nyob hauv daim ntawv 2 meem (2D).

Tau kawg, koj tuaj yeem ntsia pom li no, yog yam khoom 3D uas nyob siab dua thiab nyob hauv qab daim ntawv.

Tam sim no nws ua rau nkag siab lawm, tab sis koj xav tias koj yog ib tug neeg muaj 2 sab uas nyob hauv daim ntawv 2D. Koj yuav pom dab tsi ?

Tsis paub, xyov yuav pom dab tsi ?

Nws thiaj muaj tus yam ntxwv zoo li hais no. 

Oh.. yog kawg.

Raws li qhov ntsia pom no, saib zoo li nws mus tsis taus, nws yog ib yam khoom xwb. Dhau ntawd yog 2 daim thiab 3 daim. Tab sis raws qhov tiag, mas nws tsuas yog tib daim xwb, nws tsis yog zoo li qhov koj xav.

Tam sim no, cia peb muab tag nrho cov no los ua ib daim duab piv txwv ntawm qhov peb tau ntsib Tswv Ntuj li cas. Hais raws li Ntawv Ntshiab, mas Tswv Ntuj nyob siab dua tas txhua yam, los yog raws li Tswv Ntuj hais tias : kuv yog los yog kuv.

Yog, tab sis kuv nyob ntawm no hauv lub qab ntuj khwb. 

Li ntawd, thaum Tswv Ntuj yees tawm tuaj, qee zaus nws ua rau kuv nkag siab, tab sis dua lwm yam, mas nws yuav rhuav tshem kuv.

Muaj tseeb tiag, qhov no nws tshwm sim txhua lub sij hawm thaum neeg ntsib Tswv Ntuj nyob hauv Ntawv Ntshiab.

Li ntawd, peb los saib tias qhov no nws tshwm sim los tau li cas nyob hauv Ntawv Ntshiab ua lus Hes Nplaws. Tas cov Ntawv Ntshiab Hes Nplaws, Tswv Ntuj yees tawm tuaj nyob hauv tus yam ntxwv sib txawv uas tsis phim peb. 

Ib txoj hau kev zoo li nws tshwm sim raws Tswv Ntuj tus yam ntxwv, ces tus yam ntxwv thiaj yog qhov piav meej meej tias qhov ntawd yog zoo li cas. Piv txwv li :  lub pob roj hmab tus yam ntxwv yog kheej kheej.

Tswv Ntuj thoob tsib heev, zoo kawg. Peb los txais Tswv Ntuj li kev thoob tsib.

Nyob hauv phau ntawv Cov Paj Lug thiaj hais txog Tswv Ntuj tsim lub ntiaj teb raws li Tswv Ntuj txoj kev thoob tsib. Thiab tseem muaj lwm lo lus nyob hauv Cov Paj Lug piav txog Tswv Ntuj kev thoob tsib xws li ib tug neeg nrog Tswv Ntuj tsim lub ntiaj teb. 

Ces Tswv Ntuj tus yam ntxwv thiaj yog tus yam ntxwv txawv. 

Yog kawg, qhov no tshwm sim raws Tswv Ntuj lub koob meej, thiab qee zaus yees tawm tuaj ua tib neeg lub cev nyob saum lub theej kiab uas muaj hluav taws, los yog siv Tswv Ntuj cov lus hais rau neeg. Tab sis qee zaus Tswv Ntuj cov lus zoo li neeg. 

Ces Tswv Ntuj tus yam ntxwv thiaj hloov ua tus Tswv Ntuj tshiab.

Tsis yog, tus sau Ntawv Ntshiab ntseeg tias : tsuas muaj tib tug Tswv Ntuj muaj hwj huam xwb. Tab sis yog lawv tab tom hais txog tus ua yeeb yam uas sib txawv. Nod yog ib feem ntawm tus sau Ntawv Ntshiab zaj tswv yim uas hais txog qhov zais ntshis ntawm Tswv Ntuj, yog tus yam ntxwv ntawm Tswv Ntuj kev sib txawv.

Thaum peb kawm thiab paub txog Tswv Ntuj tus kheej, mas peb pib pom txog txhua yam nyob hauv Ntawv Ntshiab. Qhov tseeb tiag koj yuav pom thawj kab lus nyob hauv Ntawv Ntshiab uas hais txog Tswv Ntuj Leej Ntuj Plig Ntshiab, thawj kab lus nyob hauv Ntawv Ntshiab mas yog pom nyob hauv ntawv Hauv Paus, Tswv Ntuj tsim tas txhua yam. Nyeem ntxiv mus, peb yuav pom yam Tswv Ntuj tsim uas nyob saum nplaim dej, nws yog Leej Ntuj Plig Ntshiab. 

Li ntawd, Leej Ntuj Plig Ntshiab yog hais txog Tswv Ntuj qhov chaw nyob thiab lub zog. 

Ntawv Ntshiab thiaj hais txog Leej Ntuj Plig Ntshiab txawv Tswv Ntuj, tas txhua yam no yog tus sau Ntawv Ntshiab nws xav qhia kom peb paub thiab pom.

Tam sim no peb yuav tso tseg kev soj ntsuam Tswv Ntuj tus yam ntxwv nyob hauv Ntawv Ntshiab Hes Nplaws thiab tus yeeb yam uas hu ua Neeg Leej Tub.

Nyob hauv Ntawv Ntshiab thiaj muaj tib tug Tswv Ntuj xwb uas neeg tsim nyog yuav teev hawm. Ces zaj no nyob hauv Das Nias phau ntawv thiaj yog ib yam txawv heev. Das Nias npau suav pom lub cev uas hu ua Neeg Leej Tub, txhais tias yog neeg ib tug tim xyoob. Das Nias ua npau suav tias tus neeg ntawd maj mam nce mus saum cov huab, nce siab zuj zus thiab siab kawg nkaus saum ntuj.

Yog kawg, tus neeg uas hais no nws mus zaum nyob ntawm Tswv Ntuj sab xis thiab ib zeej tsoom neeg ib txhij teev hawm tus neeg no thiab teev Tswv Ntuj. Yog tus neeg uas kuv cia siab tias yuav tau ntsib Tswv Ntuj. Yog, tus neeg no yog ib feem ntawm Tswv Ntuj. Tswv Ntuj thiab neeg sib koom ua ib tug kom tau kav lub ntiaj teb ua ke. 

Neeg Leej Tub thiaj txawv Tswv Ntuj uas yog Tswv Ntuj.

Tseeb tiag, peb rov ua tib zoo xav txog txhua yam peb tau saib nyob hauv Ntawv Ntshiab Hes Nplaws, Tswv Ntuj yog yam txawv heev. Thaum cov neeg raws Yes Xus yuav tau pom Tswv Ntuj uas yog Leej Txiv, Leej Tub thiab Leej Ntuj Plig Ntshiab, mas tas huv si puav leej yog tib tug Tswv Ntuj nyob hauv Ntawv Ntshiab. 

Ces peb yuav los hais txog zaj no.

Nyob hauv Ntawv Cog Lus Tshiab peb tau paub txog Yes Xus Nas Xas Les uas nws yog tib neeg thiab yog tshaj ntawd. Lub npe uas nws nyiam hu tus kheej ua Neeg Leej Tub, yog lub cev txawv txav ntawm Das Nias.

Qhov uas hais tias Yes Xus yog qhov txawv ntawm Tswv Ntuj rais los ua neeg, kom neeg tau koom nrog Tswv Ntuj ua ib tug. Hauv Ntawv Ntshiab thiaj piav tias Yes Xus yog tib neeg uas tsheej xeeb nyob hauv YHWH thiab yog tus Tswv Ntuj ntawm His Xas Lais. Yes Xus tau mus txhua qhov thiab nws qhia, nws ua yam uas YHWH kom nws ua xws li : zam neeg cov txhaum thiab ua kom txhua yam kev kub ntxhov nyob tus yees. Luag thiaj hais tias Yes Xus yog tib neeg txawv Tswv Ntuj, thiab yog Tswv Ntuj. Qhov ntawd peb hnov, peb yuav hais tias vwm. Yog tias koj tsis tau nyeem Ntawv Ntshiab Hes Nplaws los dua, koj yuav npaj koj tus kheej kom txij thiab soj ntsuam txog yam no.

Yes Xus thawj pab Thwj Tim, yog hais txog Yes Xus tus kheej ua koj xeem lus piav txog Tswv Ntuj, lawv hu Yes Xus ua Tswv Ntuj lub koob meej. Los raws li Paj Lug hu Yes Xus ua Tswv Ntuj lub tswv yim. Zam tshaj lub Moo Zoo hu Yes Xus ua “Tswv Ntuj Lo Lus uas tsim lub ntiaj teb”.

Thiab nws hais tias : “Tswv Ntuj Lo Lus nyob nrog Tswv Ntuj thiab yog Tswv Ntuj”. 

Kuv nkag siab txog yam uas lawv tab tom ua thiab nws ua rau kuv mob hlwb heev. 

Yog koj xav tig koj lub hlwb hau kom ntau, mas koj yuav ua zoo xav txog yam no :

Yes Xus yog Tswv Ntuj nqes los ua neeg, nws nrog Tswv Ntuj tham xws li lwm tus neeg uas hu Tswv Ntuj ua Txiv. Thaum Yes Xus hais txog Tswv Ntuj, Yes Xus tsis tau hais txog lub zog, nws yog hais txog tus neeg uas nrog Tswv Ntuj sib txuas tau. 

Nyob hauv Ntawv Ntshiab muaj cov duab hais txog Tswv Ntuj ntau kawg, tus kav, tus tsim thiab tus txiav txim. Yes Xus nrog Tswv Ntuj nyob hauv txoj kev nyiam kev hlub uas tsis muaj ciaj ciam. Yes Xus hais tias Tswv Ntuj ib txwm hlub peb ua ntej yuav tsim lub ntiaj teb lawm. Pom meej tias Yes Xus paub Leej Txiv nyob hauv txoj sia nyob mus li thiab yog tus pub txoj sia.   

Nyob hauv zaj hais txog Yes Xus thiab lub Cim Ntxuav, mas thaum Leej Txiv lub suab nrov saum ntuj tuaj tias : “Tus no yog kuv Leej Tub, kuv nyiam kawg”. 

Nyeem ntxiv mus nyob hauv zaj ntawd, tus coj Leej Txiv txoj kev hlub mus rau Leej Tub, yog Leej Ntuj Plig Ntshiab. 

Ces peb yuav tham txog Tswv Ntuj Leej Ntuj Plig Ntshiab.

Nyob hauv txoj kev tsim no, peb muaj kev sib txuas nrog Tswv Ntuj nyob hauv Leej Ntuj Plig Ntshiab thiab Yes Xus kuj zoo ib yam li ntawd. 

Nyob hauv Leej Ntuj Plig Ntshiab, Yes Xus tau txais Leej Txiv txoj kev nyiam kev hlub, thiab nws tsis yog tas li ntawd xwb. 

Yes Xus rov cog lus nws tus kheej tias : Leej Ntuj Plig Ntshiab yuav tawm mus thiab faib Leej Txiv txoj kev hlub rau txhua leej txhua tus, rau tas ib tsoom neeg thiab txhua yam uas Tswv Ntuj tsim. Peb yuav ntsia pom tias Peb Leeg Huab Tais lawv sib txawv, tab sis qhov tiag lawv yog tib tug xwb.

Nod yog qhov uas cov raws Yes Xus qab hu ua Leej Txiv, Leej Tub thiab Leej Ntuj Plig Ntshiab yog tib tug nyob hauv Ntawv Ntshiab. 

Kev piav tias Tswv Ntuj yog kev pheej xeeb, yog hais txog lub ntiaj teb thiab tig neeg nyob hauv Tswv Ntuj txoj kev hlub mus ib txhis.

Yog qhov kuv tsis nkag siab tiag tiag li.

Nyob hauv Ntawv Ntshiab Tswv Ntuj tsis yog yam muaj txoj sia raws li koj nkag siab. 

Lub ntsiab lus yog kev paub thiab paub los ntawm tus Tswv Ntuj no, kom peb tau koom nrog nws txoj kev hlub.