Xaiv kom muaj txiaj ntsig rau lub ntiaj teb (Choose for the benefit of the world)

Xaiv kom muaj txiaj ntsig rau lub ntiaj teb.
Cov phooj ywg sawv daws ! Ntawv Moo Zoo hnub no yog nyob hauv Mas Tais zaj 15. Yog zaj hais txog Yes Xus thiab tus poj niam neeg Fis Nis Xias. Tam sim no kuv pom tias nyob hauv ntau xyoo dhau los hauv kev nthuav ntawv Moo Zoo, yog ib qho meem txom neeg lub siab nyob hauv kev nthuav ntawv. Tom qab nthuav ntawv Moo Zoo lawv yuav tuaj nrhiav koj, ces koj xav tias txhua lo lus nug puav leej teb tag lawm. Tab sis lawv tseem hais ntxiv tias : 
“Saib ma ! Kuv tsis nkag siab, ntawv Moo Zoo ua rau kuv poob siab heev.” 
Tej zaum koj paub zoo txog zaj Yes Xus nyob hauv lub nroog Tws Los thiab lub nroog Xis Doos lawm. Li ntawd, nws yog nyob deb ntawm His Xas Lais ciam teb. 
Thaum Yes Xus ntsib tus poj niam Kas Nas Has, tus poj niam hu nrov nrov tias : 
“Huab Tais, Das Vis leej tub, thov koj khuv leej kuv. Kuv tus ntxhais raug ib tug dab phem tsiv tsaim kawg.”
Tiag tiag mas Yes Xus teb tias : “Peb yuav nqis tes ua, peb yuav ua ib yam dab tsi.”
Yes Xus teb li no, mas nws muaj kev tso siab puas yog ? Tab sis Yes Xus tsis teb dab tsi li. Koj sim xav saib yog muaj neeg tuaj ntsib koj thiab thov kev pab ntawm koj, koj puas yuav teb hais tias : “Thov txim” los yog hais tias : “Tam sim no kuv tsis tau khoom.”
Yes Xus cov thwj tim txav los ze thiab thov nws tias : 
“Koj ua rau nws, vim nws pheej hu nrov nrov lawv peb qab.”   
Tus poj niam txhos caug thiab thov Yes Xus, Yes Xus hais tias : “Ntuj xa kuv tuaj cawm cov yaj ploj hauv His Xas Lais tsev neeg xwb, tsis yog yuav mus nrhiav cov poj niam zoo li ntawd.” Tab sis tus poj niam taij tas zog, thiab nws hais dab tsi ? Tus poj niam hais tias : “Huab Tais, thov koj pab kuv.” Yes Xus hais tias : 
“Kev muab me nyuam tej mov pov rau dev noj, tsis raug txoj cai lawm.”
Nod yog tus poj niam uas xav tau kev pab, nws tab tom nug. Koj puas nkag siab tias qhov nws thov tsis yog thov rau nws, tab sis nws thov rau nws tus ntxhais. 
Saib ma ! Tus poj niam ntawd tso siab rau Yes Xus heev, nws thiaj hu Yes Xus ua Das Vis leej tub, tab sis nws raug tso pov tseg ntau zaus. Nws ua siab ntev thov Yes Xus tas zog, nws hais tias : “Huab Tais, yog li koj hais. Tab sis cov me nyuam dev tsuas noj tej tsig mov uas txeej ntawm lawv tus tswv lub rooj los xwb.” 
Thaum Yes Xus hnov li no lawm, Yes Xus hais tias : 
“Niam phauj, koj lub siab ntseeg loj kawg. Kom koj tau raws li koj lub siab xav.” 
Koj yuav pom tias tej yam no ua kom meem txom neeg lub siab. Nov yog Yes Xus tus tsis muaj txhaum thiab saib zoo li nws pib npau taws. Yes Xus cov thwj tim kuj paub tias qee zaus lawv ua rau Yes Xus meem txom. Tab sis yog tias koj siv lo lus no rau tus poj niam uas nws xav tau kev pab, thiab koj hu nws ua dev ne koj xav li cas ?
Thaum ntawd Yes Xus thiab nws cov thwj tim lawv kuj tshaib plab thiab sab heev, tab sis tus poj niam ntawd tseem los taij thov nws tas zog, Yes Xus thiaj npau taws thiab tsis teb dab tsi. Qhov no ua kom pom tias kev ua neeg, nws muaj ciaj ciam ntawm kev npau taws. Tus poj niam Fis Nis Xias tsis thaub qab, nws ua siab tawv qhawv thiab taij Yes Xus tas zog. Qhov ntawd ua kom pom tias tus poj niam ntawd txoj kev ntseeg loj kawg, ces nws tau raws li nws lub siab xav. 
Thawj yam teeb meem yog hais yam uas koj xav tau, nws ua kom Yes Xus rais ua neeg muaj txhaum. Peb tsis tuaj yeem yuav ua kom Tswv Ntuj Leej Tub muaj txhaum tau. Tab txawm peb pom tias Yes Xus lub ntsej muag npau taws thiab ntxhov siab, vim ua hauj lwm ntau thiab sab. Txawm li ntawd tsis kav kuv ua hauj lwm sab thiab ntxhov siab npaum cas, yog tias kuv nthe rau tej tus neeg thiab hu lawv lub npe, mas kuj yog kuv muaj txhaum. Ces peb yuav ntaus nqi tsis tau tias Yes Xus muaj txhaum, vim nws tsis xav pab tus poj niam vam txog nws. Yog tias Yes Xus muaj txhaum, mas Yes Xus tsis yog tus cawm kom neeg dim. Nov yog teeb meem loj uas peb yuav tsis txhob ntaus nqi li ntawd. Yog peb ua tib zoo nyeem zaj no nyob hauv Ntawv Ntshiab kom ntxaws, mas peb yuav to taub txog kev sib raug zoo ntawm cov His Xas Lais thiab lwm haiv neeg. His Xas Lais puas yog haiv neeg Tswv Ntuj xaiv ? Haiv His Xas Lais raug xaiv kom muaj txiaj ntsig rau txhua haiv neeg. Thov peb tig rov mus rau lub chiv keeb hauv Ntawv Ntshiab uas Tswv Ntuj tsim lub ntuj ntsuab thiab lub ntiaj teb. Thaum ntawd tsis muaj haiv His Xas Lais, Tswv Ntuj tsim txhua tsav puas yam muaj txoj sia thiab tsis muaj txoj sia. Tswv Ntuj lub hom phiaj ntawm kev cawm, tsis yog haiv His Xas Lais xwb, nws yog hais txog tas ntiaj teb neeg. Thiab peb yuav xav txog zaj hais txog Nos Hes ua piv txwv, vim Nos Hes tsis yog neeg His Xas Lais. Nyob hauv Nos Hes lub caij, tsis muaj haiv His Xas Lais. Tswv Ntuj hlub neeg thiab hlub lub ntiaj teb, Tswv Ntuj thiaj pib ntawm Has Nplas Has, His Xas Has thiab Yas Kos. Dhau ntawd mam los txog Mais Xes, Yos Xuas, Xas Ws thiab Das Vis. Peb muaj tsev teev Ntuj, peb muaj Ntawv Ntshiab Torah, peb muaj Tswv Ntuj 10 lo lus cog thiab muaj cov Koom Haum. 
Tas cov His Xas Lais lub hom phiaj yog dab tsi ? Yog kev teeb tsa haiv neeg ntshiab huv raws li Tswv Ntuj lub siab nyiam. Yog haiv neeg yuav coj tas tsoom neeg hauv lub ntiaj teb los cuag Tswv Ntuj. Cov His Xas Lais yog cov neeg tshwj xeeb, tab sis lawv tsis tau xaiv lawv tus kheej, lawv raug xaiv kom muaj txiaj ntsim qab hau rau lub ntiaj teb. 
Tam sim no kuv tab tom nyob ntawm no, thiab muaj John Lennon ib phau ntawv rov qab tig mus rau 70 xyoo ua ntej uas hu ua “Phab ntsa thiab choj”. Kuv nyiam phau ntawv ntawd heev. “Phab ntsa thiab choj”, koj puas paub txog qhov ntawd ? Peb txhua tus xav tau ob yam ntawd huv tib si, phab ntsa ua dab tsi ? Phab ntsa yog qhov ruaj kho uas teeb tseg. Koj txhim phab ntsa xov qee yam, ces koj yuav paub tias nws yog ua yam dab tsi. 
Li ntawd, ntawm Tswv Ntuj peb tsim nyog yuav muaj phab ntsa. Cov His Xas Lais kuj yuav tsum muaj phab ntsa. Qhov kawg cov His Xas Las thiaj txhim tus choj uas yuav coj sawv daws tawm mus rau lub ntuj dav. Kuv tau siv ib daim duab hais txog Nos Hes lub nkoj hais tias muaj qee yam raug khaws tseg nyob hauv Nos Hes sab phab ntsa nkoj. Yog tias tsis muaj phab ntsa nyob hauv lub nkoj ntawd, lub nkoj ntawd yuav tog hauv dej thiab txhua yam nyob hauv lub nkoj yuav ploj mus. Tab sis thaum dej nyab thiab nqig tag, mas txoj sia yuav ploj mus. Qhov ntawd yog ib feem nyob hauv Ntawv Ntshiab. Ntawd yog qhov pib ntawm haiv His Xas Lais uas yuav muaj ciam kav tus kheej. Yes Xus rov txhib peb hais txog phab ntsa uas yog thawj yam, thiab tam sim no nws txhim tus choj tawm los. Ib yam li tus poj niam ntawd txoj kev ntseeg rais ua tus choj mus txog hauv nws lub siab, thiab Yes Xus txoj kev khuv leej kuj yog zoo li ib tug choj. Tus poj niam ntawd tau txais kev pab los ntawm Yes Xus tus choj muaj txoj sia thiab yog cov His Xas Lais lub txiaj ntsim. 
Kuv thov xaus cov lus thiab tej zaum koj yuav xav tias : 
“Ntawd yog kev xav raws li Ntawv Ntshiab uas ntxim siab heev”. Kuv xav tias kuv lub neej tau txais txiaj ntsim ntau nyob hauv tsev neeg uas kuv yug los. 
Kuv niam kuv txiv yog neeg Kav Tos Liv uas muaj kev ntseeg zoo heev, kuv raug xa mus kawm ntawv nyob hauv lub tsev kawm ntawv Kav Tos Liv kom tau txais lus qhuab qhia, thiab tau koom thaj txi Ntuj txhua Hnub Chiv. Kuv tau ntsib tej yam zoo zoo nyob hauv lub Koom Txoos Kav Tos Liv tej kab lis kev cai. Tas txhua yam ntawd yog lub txiaj ntsim uas muab rau kuv, kom kuv tau so nyob hauv thiab hais tias :    
“Kuv tsis yog me nyuam zoo, vim kuv muaj qhov paj tshab tshwj xeeb ntawd.”
Li ntawd, cov muaj kev ywj pheej thiaj saib choj muaj nqis thiab pom txog lub ntuj dav. Lawv tsim kev sib raug zoo thiab sib txuas lus. Qhov kawg yog qhov tuam choj ntawm tsoom pej xeem mus rau lub ntuj dav. Kuv thov qhia tias ntawd yog kev ua thiab kev paub nyob hauv peb txoj kev nyeem Mas Tais zaj 15. Phab ntsa thiab choj, thiab cov His Xas Lais raug teeb tseg kom muaj cov tub tshaj Ntuj Lus His Xas Lais. Ntawd yog lub cim raug cai ntawm lub Koom Txoos. Thov Tswv Ntuj foom hmoov zoo rau koj !