ZAJ NYEEM HNUB TIM 1 LUB 12 HLIS 2020

LIS PIAM 1 CAIJ TOS HUAB TAIS XYOO B

Ntuj qhib lub Moo Zoo rau cov neeg me. (LK10 : 21 – 24)

Lub sij hawm ntawd, Yes Xus zoo siab tas nrho nyob hauv Leej Ntuj Plig Ntshiab, nws hais tias : "Txiv, kuv cav lus zoo txog koj, Huab Tais kav ntuj kav teb, koj tau zais qhov ntawd rau cov neeg thoob tsib thiab cov neeg ntse, koj qhib rau cov neeg me, Txiv, vim koj nyiam ua li ntawd. Kuv Txiv muab tas ib puas tsav yam rau kuv. Tsis muaj leej twg paub tias Leej Tub yog tus twg, kawg yog Leej Txiv thiaj paub. Tsis muaj leej twg paub tias Leej Txiv yog tus twg, kawg yog Leej Tub thiaj paub, thiab yog tus uas Leej Tub xav qhia rau kom paub."

Yes Xus tig los rau nws cov thwj tim, thaum lawv nyob rau ib cag, nws hais rau lawv tias : "Ob lub qhov muag uas pom tej yam nej pom no tau txoj hmoov zoo !  Kuv hais rau nej tias coob tus yaj saub thiab coob tus vaj xav pom qhov uas nej pom, tab sis lawv tsis tau pom, xav hnov tej uas nej hnov, tab sis tsis tau hnov."