ZAJ NYEEM HNUB TIM 10 LUB 12 HLI 2020

LIS PIAM 2 CAIJ TOS HUAB TAIS XYOO B

Zam Ntxuav Plig xa neeg mus nug Yes Xus (MT11:11-15)

Yes Xus hais rau cov pab neeg tias “Kuv hais tseeb rau nej, tas cov tub uas tsoom poj niam yug huv tib si, tsis muaj ib tug sawv loj dua Zam Ntxuav Plig. Tab sis, tus me tshaj hauv Ntuj lub Ceeb Tsheej, tseem loj dua Zam thiab.

Txij Zam Ntxuav Plig los txog tav no, Ntuj lub Ceeb Tsheej raug luag sib txeeb : cov neeg siab ceev txeeb lub Ceeb Tsheej.

Cov yaj saub thiab Txoj Cai puav leej tau ceeb toom lo lus los txog lub caij Zam tuaj. Nej ntseeg kuv mog ! Zam yog tus Es Lias uas yuav rov los. Leej twg muaj pob ntseg, cia nws mloog.”