ZAJ NYEEM HNUB TIM 11 LUB 5 HLIS 2020

Lis piam 5 Hauv Caij Hla.
Yes Xus yuav nrog cov neeg ntseeg nyob. (Z 14 : 21 – 26)
Yes Xus rov hais tias : “Tus muaj kuv cov lus qhia, thiab nws coj rawv kuv cov lus qhia, nws thiaj yog tus nyiam kuv. Tus nyiam kuv, mas kuv Txiv yuav nyiam nws, kuv kuj yuav nyiam nws thiab, kuv yuav muab kuv rau nws pom.”
Yus Das - tsis yog tus nyob Kas Lis Yaus - hais rau Yes Xus tias : “Huab Tais, ua cas koj thiaj yuav muab koj rau peb pom xwb, tsis cia lub qab ntuj neeg pom koj ?”
Yes Xus teb rau Yus Das tias : “Yog leej twg nyiam kuv, nws yuav coj rawv kuv lo lus, ces kuv Txiv yuav nyiam nws. Kuv Txiv wb yuav los nyob ze nws, wb yuav ua tsev nyob hauv nws. Tus tsis nyiam kuv, nws tsis khaws kuv cov lus. Lo lus uas nej hnov, tsis yog kuv lo lus, yog Leej Txiv uas xa kuv tuaj lo lus. Thaum kuv tseem nyob ze nej, kuv hais tej no rau nej. Tab sis Leej Nplij Neeg, uas yog Leej Ntuj Plig Ntshiab, mas Leej Txiv yuav xa nws tuaj vim kuv lub npe, nws yuav qhia tas ib puas tsav yam rau nej, thiab nws yuav pab nej rov nco txog tas txhua yam uas kuv tau hais rau nej.”