Zaj nyeem hnub tim 12 lub 4 hlis 2023 (Daily reflection)

ZAJ NYEEM HNUB TIM 12 LUB 4 HLIS, HNUB PLAUB LUB LIS PIAM 1 CAIJ HLA
COV LUS NYOB HAUV LUS KAS NTAWV MOO ZOO (LK 24: 13-35)

Kwv tij Hmoob, peb lub xyoo uas Huab Tais Yes Xus ncig teb chaws tshaj txog Tswv Ntuj lub Ceeb Tsheej mas muab coob lej raws Huab Tais Yes Xus qab, lawv tsuas xav txog lub Ceeb Tsheej nyob hauv ntiaj teb no xwb, lawv tso siab tias muaj ib hnub Huab Tais Yes Xus yuav sawv tawm tsam cov tub rog Los Mas, yuav ntiab cov Los mas tawm hauv lub teb chaws, ces Huab Tais Yes Xus yuav sawv ua cov Yus Das tus vaj. Tab sis ua cas lawv raws qab tuaj txog lub tsheej Yes Lus Xas Les, Huab Tais Yes Xus cia li mag ntias coj mus ntsia tuag saum Ntoo Cuam lawm. Lawv sawv daws tu siab, tag kev cia siab thiab kev vam khom, ces lawv nyias rov mus nyias lub zos. 
Thaum ob tug neeg ntawd rov mus tsev, mas nkawd tham txog tej xwm nkawd tau hnov nyob hauv Yes Lus Xas Les, ces thawm ntawd Huab Tais Yes Xus tawm tuaj nrog nkawd tham, los vim nkawd kev tu siab thiab tsis ntseeg tias Yes Xus yuav sawv los tiag, ces nkawd thiaj zeem tsis tau Yes Xus. 
Qhov kawg, Huab Tais Yes Xus nrog nkawd noj mov ces Huab Tais Yes Xus thiaj ua zoo li thaum nws tau ua nyob hauv pluas hmo kawg, nkawd thiaj zeem tau tias tus ntawd yog Huab Tais Yes Xus.
Kwv tij Hmoob, nyob hauv peb lub neej mas ntau zaus Huab Tais Yes Xus tawm tuaj nrog peb nyob, hais lus rau peb, tsis kav peb mem tsis tau Yes Xus, vim tias peb lub siab poob rau hauv kev tu siab, chim siab, los lwm yam ces peb thiaj ntsia tsis pom Huab Tais Yes Xus. Tab sis niaj lis piam peb tuaj ua lub txoos txi Ntuj, peb pom lub Cim Yug, mas peb yuav ras tias yog Huab Tais Yes Xus nrog peb nyob nraim, nws nyiam peb tas npaud, nws thiaj muab nws txoj sia los txi Ntuj kom tau cawm peb. Ces thaum ntawd peb yuav ntsia pom Huab Tais Yes Xus nyob hauv cov neeg nyob ib ncig peb, peb yuav xyiv fab thiab zoo siab hlo tawm mus ntsib lawv, nrog lawv tham, nyiam lawv xws li Huab Tais Yes Xus tau nyiam peb.
Nyob zoo sawv daws.