ZAJ NYEEM HNUB TIM 14 LUB 11 HLI 2020

LIS PIAM 32 CAIJ NRUAB XYOOS

Thov Ntuj xws li tus poj ntsuam taij kom luag ua ncaj rau nws. (LK18:1-8)

Yes Xus hais ib zag paj lug rau lawv, nws qhia lawv tias yuav tsum teev Ntuj tsis tseg, txhob ntaus siab yau. Yes Xus hais tias : “Nyob hauv ib lub nroog, muaj ib tug txwj laus txiav txim, nws tsis ntshai Tswv Ntuj thiab tsis hwm leej twg li.

Muaj ib tug poj ntsuam nyob hauv lub nroog ntawd tuaj cuag tus txwj laus txiav txim, nws hais tias : Thov koj pab tsa kuv cai tiv tus neeg ntxub kuv.

Tus txwj laus tsis quav ntsej, nws ncua ntev ntev. Tab sis ntev mus nws xav tias : Tab yog kuv tsis hwm Tswv Ntuj thiab tsis ntshai ib tug neeg li, tsis kav tus poj ntsuam ntawd txob kuv dhau, kuv yuav tsa nws cai tiv tus ntxub nws, kom xwv nws txhob tuaj txob kuv thiab txhob ua kuv dias taub hau ntxiv.

Ces Huab Tais hais tias : Nej mloog tus txwj laus txiav txim siab tsis ncaj cov lus saib. Thaum Tswv Ntuj cov xaiv ua hnub ua hmo hu txog nws tsis tseg, Tswv Ntuj yuav tsis tsa lawv cai lod ? Nws yeej ua siab ntev rau lawv.

Kuv hais rau nej, Tswv Ntuj yuav tsa lawv cai sai sai. Tab sis thaum Neeg Leej Tub rov los, nws puas yuav pom neeg ntseeg nyob ntiaj teb ?”